Masakra me 9 të vrarë dhe 12 të plagosur në Serbi, dënohet me 20 vite burg 22-vjeçari

Urosh Blazhiç, 22-vjeç nga Serbia u shpall fajtor pasi vrau nëntë dhe plagosi 12 persona në fshatrat Dubona dhe Malo Orashje vitin e kaluar. Mediat e huaja raportojnë se Urosh u deklarua fajtor dhe duke qenë se ai ishte nën 21 vjeç në kohën e krimit, nuk është e mundur të dënohet me burgim të përjetshëm për krimin, por vetëm me një dënim prej 20 vjetësh.

Edhe babai i tij, Radisa, u shpall fajtor dhe u dënua me 20 vjet burg. Uros Blazic u deklarua fajtor në fillim të gjyqit në gusht, ndërsa babai i tij u deklarua i pafajshëm.

Në Dubonë, Blazic u ndal në shkollën fillore, ku disa fshatarë ishin përreth dhe hapi përsëri zjarr, duke vrarë dy, një vëlla dhe një motër. Një person i tretë vdiq më vonë në spital dhe katër të tjerë u plagosën. Babai i Blaziqit, Radisa, u akuzua gjithashtu për prodhim, posedim, mbajtje dhe trafik të paautorizuar të armëve dhe substancave shpërthyese dhe për vepër të rëndë kundër sigurisë së përgjithshme