Mbi 400 mijë paund kokainë/ Dënohen me 14 vite burg dy shqiptarët në Angli (Emrat)

Dy shqiptarë janë dënuar me 14 vite burg nga autoritetet angleze. Mësohet se ata u vendosën në pranga për trafik droge. Ata kryen furnizime me kokainë me vlerë mbi 400 mijë paund në Surrey. Më tej bëhet me dije se 35-vjeçari, Mirjan Kastrati u dënua me 6 vite e 3 muaj burg, ndërsa 24-vjeçari, Mario Dilaj u dënua me 8 vjet burg.

Hetimi nisi më 5 shtator 2024, kur oficerët ekzekutuan një urdhër kontrolli në një adresë në Dartford, e cila përdorej nga dy të akuzuarit si call centre për furnizimin me kokainë në Surrey. Gjatë ekzekutimit të urdhrit, oficerët e kapën Mirjan Kastratin në flagrancë në një tavolinë të improvizuar duke bërë pazare droge dhe duke komunikuar me klientët. Edhe Mario Gilaj u arrestua pasi tentoi të largohej nga prona.

Hetimet e mëtejshme zbuluan se dy shqiptarët ishin përgjegjës për furnizimin e rreth 4 kilogramëve kokainë në Surrey në periudhën korrik-shtator 2024, me një vlerë të përgjithshme prej 413,000 paund. Dokumentet dhe të dhënat dixhitale zbuluan lidhjet e tyre të ngushta me trafikun e drogës në rajon.