Mbi lumin Ibër në Mitrovicë, ura e sherrit dhe parajsës nuk hapet

Çdo vendim për hapjen e urës mbi lumin Ibër, e cila bashkon Mitrovicën e Jugut me atë të Veriut, duhet të merret në kuadër të dialogut të ndërmjetësuar nga Bashkimi Evropian.

Ky është konkluzioni i takimit që emisari i BE-së për dialogun, Miroslav Lajçak, ka realizuar me komandantin e KFOR-it, Ozkan UIutas.

“Ky është çelësi për sigurinë e të gjitha komuniteteve. KFOR-i nderkohe po mban një prani fikse në urën e Mitrovicës dhe po kryen patrullime të rregullta në zonat përreth” –  thuhet në një komunikatë për media, e lëshuar nga KFOR-i.

Ndër të tjera komunikata njofton se në takimin mes Lajçak dhe Ulutas u “vlerësua bashkëpunimi shumë i ngushtë dhe koordinimi i rregullt ndërmjet KFOR-it dhe BE-së në terren”.

“Gjithashtu u diskutuan një sërë temash me interes të ndërsjellë që ndikojnë ne një mjedis të sigurt për të gjitha komunitetet anembanë Kosovës. Ata përsëritën përkushtimin e tyre për të vazhduar bashkëpunimin në dobi të sigurisë në mbarë Kosovën dhe të stabilitetit rajonal” – thuhet ne komunikate

Diplomati sllovak pas takimit me zëvendëskryeministrin e parë të Kosovës, Besnik Bislimin, në një prononcim të shkurtë për media, ka njoftuar se me kryenegociatorin kosovar kanë diskutuar për nevojën e përshpejtimit të implementimit të Marrëveshjes së Brukselit/Ohrit.

Çështja e dytë që u diskutua, sipas Lajçak, ka qenë Plani i Rritjes së BE-së për Ballkanin Perëndimor.

I pyetur për raportin e Shefit të Diplomacisë së BE-së, Josep Borrell, për heqjen apo jo të masave ndëshkuese të Unionit ndaj Kosovës, diplomati sllovak, ka njoftuar se kjo çështje do të diskutohet të mërkurën në mes të vendeve anëtare të Unionit dhe ka potencuar se personalisht është në favor të largimit të masave ndëshkuese ndaj Kosovës.

Lajçak gjatë prononcimit ka bërë të ditur se i është kërkuar të vazhdojë punën si ndërmjetësues i dialogut Kosovë – Serbi, deri në fund të muajit janar.

Diplomati sllovak pas Kosovës, do të udhëtojë në Serbi. Të mërkurën ai pritet të takohet me presidentin serb, Aleksandër Vuçiç.

I deleguari i Bashkimit Evropian për dialogun, Miroslav Lajçak, pas takimit me zëvendëskryeministrin e Kosovës, Besnik Bislimin, në një prononcim të shkurtër për media, ka njoftuar se me kryenegociatorin kosovar kanë diskutuar për nevojën e përshpejtimit të implementimit të Marrëveshjes së Brukselit/Ohrit.

“Arsyeja e vizitës ishte diskutimi se si të rifokusohemi në procesin e normalizimit të marrëdhënieve mes Kosovës dhe Serbis. Ne e kemi një marrëveshje dhe tani duhet te përshpejtojmë implementimin e saj, kjo është çështja parë që e kemi diskutuar” – ka deklaruar emisari, I cili theksoi se Çështja e dytë që u diskutua ka qenë Plani i Rritjes së BE-së për Ballkanin Perëndimor.

“Për Kosovën e Serbinë ky disbursim i fondeve është i kushtëzuar me angazhimin konstruktiv në dialog dhe këtu jam unë ai që duhet të bëjë këtë vlerësim për konstruktivitetin” – eshte shprehur Lajcak

I pyetur për raportin e Shefit të Diplomacisë së BE-së, Josep Borrell, për heqjen apo jo të masave ndëshkuese të Unionit ndaj Kosovës, diplomati sllovak, ka njoftuar se kjo çështje do të diskutohet të mërkurën në mes të vendeve anëtare të Unionit.

Gjithashtu, ai ka potencuar se personalisht është në favor të largimit të masave ndëshkuese ndaj Kosovës.

“E kam bërë të qartë qëndrimin tim për sa i përket masave, kur kam rekomanduar që ato të hiqen. Por siç e thashë, nuk jam pjesë e këtij procesi, ky është vendim i shteteve anëtare. Qëndrimi im personal është që ato duhet të hiqen” – deklaroi emisari europian