‘Mburren me bëmat e tyre’/ Britanisë nuk i del inati me shqiptarët

Mediat britanike i kanë kushtuar së fundmi një tjetër artikull bandave shqiptare që merren me transport të paligjshëm të refugjatëve. Daily Express në një ekip hetimor ka botuar një shkrim për skemat e bandave shqiptare që kontrabandojnë njerëz në Britaninë e Madhë në mënyrë të jashtë ligjshme kundrejt pagesave të majme.

Mini-dokumentari përmban biseda të incizuara në mënyrë të fshehtë me kontrabandistët shqiptarë, të cilët detajuan rrugën që ndjekin për të fituar para.

“Duke shfaqur klipe ekskluzive nga reklamat e kontrabandistëve të postuara në mediat sociale, raporti ynë zbuloi se, gangsterët diskutonin mënyrat për të mashtruar autoritetet për të fshehur aktivitetet e tyre të paligjshëm”, shkruan gazeta.

Kalimi i emigrantëve bëhej përmes varka vetë vogla. Hetimi ndaj bandave shqiptare u nxit nga një rritje masive e njerëzve nga Ballkani në Mbretërinë e Bashkuar.

Pjesë nga shkrimi i gazetës:

Në varësi të mënyrës se si e shikoni, një deri në dy përqind e të gjithë meshkujve të rritur të Shqipërisë ka udhëtuar në Mbretërinë e Bashkuar me varka të vogla, u tha deputetëve vitin e kaluar komandanti i Kanalit Klandestin të Forcave Kufitare të MB, Dan O’Mahoney.

Rritja ka qenë eksponenciale. Mendojmë se kjo është kryesisht për faktin se bandat kriminale shqiptare kanë zënë vend në veri të Francës dhe kanë filluar të lehtësojnë një numër shumë të madh emigrantësh.

Duke u paraqitur si një familje shqiptare që kërkonte të transportonte të afërmit e tyre në Angli, ne kontaktuam lehtësisht me disa trafikantë që reklamonin udhëtime me varka të vogla në platforma të ndryshme të mediave sociale, vijon artikulli.
Brutaliteti në të cilin këta kriminelë ishin në gjendje të shkonin ishte tronditëse.

Një nga llogaritë me të cilat kontaktuam ishte e gatshme të kontrabandonte fëmijë të pashoqëruar në Britani, duke ofruar një zbritje prej 500 paund.