Merr flakë makina në aksin Orikum-Vlorë, nuk ka të lënduar

VLORË- Një makinë ka marrë flakë pasditen e sotme në aksin Orikum-Vlorë. Mësohet se makina ka marrë flakë për shkak të një shkëndije elektrike. Nga flakët nuk ka persona të lënduar.

Njoftimi i Policisë:

Vlorë/Informacion paraprak Rreth orës 19:25, në aksin rrugor Orikum-Vlorë, në ByPass, ka marrë flakë në ecje automjeti në pronësi të shtetasit S. N., 48 vjeç, banues në Tiranë. Patrulla e Policisë dhe Zjarrëfikësit shkuan menjëherë në vendngjarje. Nga zjarri nuk ka të lënduar, por vetëm dëme materiale dhe paraprakisht dyshohet se zjarri ka rënë si pasojë e një shkëndije elektrike në baterinë e automjetit. Grupi hetimor po punon për sqarimin e plotë të rrethanava të ngjarjes dhe përcaktimin e saktë të shkakut të rënies së zjarrit.