Merrnin makina me qira dhe i shisnin, shkon në 4 numri i të arrestuarve

Ka shkuar në katër numri i të arrestuarve në kuadër të operacionit policor ‘Fraud’. Policia ka arrestuar Rodrigo Lulajn, 25-vjeç punonjës i DRPSHTRR-së në Elbasan dhe Mariglen Zanuni 38 vjeç. Këta 2 shtetas në bashkëpunim me 2 shtetasit e tjerë të vënë ne pranga (një punonjëse e DRSHTRR-së në Elbasan dhe Thanas Bekon) kanë shitur në kundërshtim me ligjin 3 automjete që pasi i morën me qera, iu hoqën GPS dhe i falsifikuan dokumentet.

Nga veprimet hetimore rezultoi se këta 2 shtetas në bashkëpunim me 2 shtetasit e tjerë të vënë në pranga (1 punonjëse e DRSHTRR Elbasan dhe shtetasi Th. B.), kanë shitur në kundërshtim me ligjin 3 automjete që pasi i morën me qera, iu hoqën GPS dhe i falsifikuan dokumentet. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.’- njofton policia.

Mësohet se Thanas Beko dhe njëri prej punonjësve, kishin marrë me qira 3 automjete dhe më pas u kanë hequr GPS dhe i kanë falsifikuar dokumentet mbi pronësinë dhe dokumentet e tjera, i kanë shitur kundrejt vlerës 20 000 euro. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme