Mills për CR7: Mos e lini të luajë, kalbeni në stol

Danny Mills ka qenë i ashpër për të ardhmen e Cristiano Ronaldos te Manchester United.

“Unë nuk mendoj se ai do të luajë përsëri për Manchester United. Por nëse do të isha te klubi, do të tundohesha që thjesht ta kalb atë.

Do të bëja çmos për të vendosur gjobën më të lartë të mundshme, duke qenë se kontrata e tij është mbi 70 faqe dhe një milion kushte të shkruara, kjo nuk do ta dëmtojë atë, sepse ai ka shumë para.

Por ai është ende në Manchester United dhe nëse e lini të shkojë, ai mund të shkojë dhe të shënojë gola kudo. Ai mund të përmirësojë statistikat e tij, ai ka statistikat më të mira në planet, ne nuk debatojmë për këtë. Kjo është pikërisht ajo që ai dëshiron, kështu që pse të mos e ndaloni të luajë?

Nëse doni ta ndëshkoni, ndalojeni që të largohet, mbajeni në klub dhe bëni gjithçka që mundeni për t’ia bërë jetën e tij të mjerueshme”, tha ish-lojtari i Leeds dhe Manchester City.