“Molla e sherrit” një femër/ Ekzekutohet shqiptari në Mykonos

Athanasios Nazos vrau shqiptarin Visar Dakramën, pasi ky i fundit ngacmoi vajzën që ishte pranë grekut. Kështu deklaroi para grupit hetimor greku, i cili pas krimit u vetëdorëzua në polici.  ‘Protothema‘ raporton se 33-vjeçari e ka justifikuar aktin e tij duke thënë se shqiptari po ngacmonte vajzën që ishte me të. Ngjarja e rëndë ndodhi ditën e sotme në orën 6 të mëngjesit, në një lokal në zonën Skylambela të Mykonos. Sipas informacioneve, para vrasjes ka pasur një sherr mes autorit dhe shqiptarit. Pas sherrit, 33-vjeçari doli nga lokali për t’u kthyer pak më vonë me një pushkë gjuetie me të cilën qëlloi duke lënë të vdekur në vend shqiptarin. Kur u arrestua, 33-vjeçari ishte në gjendje të keqe dhe dukshëm nën efektin e alkoolit. Mediat greke bëjnë të ditur se shqipari kishte blerë një vilë në një nga pjesët më të mira të “ishullit të erërave”, ndërsa autori ishte pronar hoteli.

Visar Dakrama

GREQI– Autori i vrasjes së shqiptarit në Mykonos është identifikuar si Athanasios Nazos. Ky person, vrau me kallashnikov 34-vjeçarin shqiptar Visar Dakrama, nga Vlora.

Banorët e Mykonos u tronditën mëngjesin e sotëm pas vrasjes së shqiptarit në lokalin që ndodhet në zonën Skylambela të Mykonos. Autori dhe viktima debatuan në lokal për shkak të një vajze, e cila dyshohet se kishte lidhje me të dy ata, raporton media greke.

Dyshohet se shqiptari e kërcënoi me thikë grekun, mirëpo u qetësua nga klientët dhe pronari i lokalit. Mirëpo, 35-vjeçari grek, u kthye sërish në lokal duke e ekzektuar me kallashnikov në kokë. Viktima u dërgua menjëherë në spital mirëpo ishte tepër vonë, pasi ndërroi jetë.

Autori u shfaqu pak orë më vonë i vetëm në komisariatin e Mikonos, në gjendje të dehur duke pranuar krimin që kreu.

Policia

GREQI– Personi në foton e siguruar nga ‘Top Channel’ është Visar Dakrama, 34-vjeçari shqiptar i ekzektuar mëngjesin e sotëm në një lokal në Mykonos. I riu u përfshi në një konflikt me një 33-vjeçar grek, jashtë një lokali. Sipas mediave greke, shkak i konfliktit u bë një vajzë.

Pas sherrit në lokal, 33-vjeçari grek u largua për në banesë për të marrë armën tip kallashnikov. Ai u rikthye sërish në lokal, ku ndodhej shqiptari, të cilin e qëlloi me plumb në kokë.

Dakrama humbi jetën në vend, ndërsa Policia greke bëri të mundur arrestimin e autorit.

Mykonos

GREQI– Vritet me plumb në kokë shqiptari në Mykonos. Mediat greke raportojnë se viktimë ka mbetur një 34-vjeçar me origjinë shqiptar e autor i dyshuar është një 33-vjeçar grek (tashmë i arrestuar).

Ngjarja e rëndë ka ndodhur në orën 6 të mëngjesit të sotëm, në një lokal në zonën e Skylabela. Sipas informacioneve nga mediat greke, greku është përfshirë në konflikt me shqiptarin për një vajzë. Pas sherrit, greku shkoi në banesën e tij, mori pushkën e më pas u rikthye në lokal, aty ku ekzekutoi me plumb në kokë shqiptarin.

33-vjeçari grek është arrestuar, por është në gjendje të rëndë për shkak të konsumit të tepërt të alkoolit.