BRITANI E MADHE- Një 27-vjeçar, i identifikuar si Lumturi Zeqja ka ndërruar jetë  në Londër, pasi është konfliktuar me një person ende të paidentifikuar dhe ky i fundit e ka qëlluar më thikë. Së fundmi, JOQ ALBANIA ka siguruar pamjet nga vendi i ngjarjes, ku dëgjohen të qara dhe ulërima nga të gjithë ata që e dëshmuan plagosjen, ndërkohë që pranë të riut shqiptar janë miqtë dhe shokët e tij.

Siç shihet nga videoja e mëposhtme, janë dy persona të plagosur dhe fatmirësisht, personi i dytë është jashtë rrezikut për jetën. Në video, pranë të plagosurit janë disa vajza dhe shokët e tij, të cilët mundohen që ta qetësojnë dhe ta sigurojnë që do të shpëtojë shëndoshë e mirë, por fatkeqësisht i riu ndërroi jetë pak orë më vonë në një spital.

“Ka vdekur? Jo, jo nuk ka vdekur. Epo se dikush më tha…Qetësohu o Lum qetësohu. Qetësohu zemra jem se nuk do vdesësh. O Lum!,”-dëgjohet në video.

Ndërsa mbi të plagosurin, duket qartë që po e ndihmon një punonjës i shërbimit mjekësor, i cili po e mjekon në vendin e ngjarjes për t’i ndalur gjakderdhjen. Por duket se gjithçka është e kotë. Ndërkohë që lidhur me ngjarjen, ende nuk dihen shkaqet dhe kush është personi që plagosi dy vetë, duke i marrë jetë të riut nga Shqipëria.

Lajmi i parë…

 

Lumturi Zeqja, është 27-vjeçari nga Maqellara, i cili ka ndërruar jetë mbrëmjen e djeshme në Londër, pasi është konfliktuar me një person ende të paidentifikuar.

Ende nuk dihen shkaqet e kësaj ngjarjeje të rëndë dhe se me kë është konfliktuar 27-vjeçari.

Burime për NTV.AL  bëjnë me dije se i riu kishte disa vite që jetonte në Angli.

…

Një 27-vjeçar me origjinë shqiptare është gjetur e pajetë pranë stacionit të metrosë në Londër.

Bëhet fjalë për Lumturi Zeqja. Ngjarja e rëndë ka ndodhur mbrëmjen e djeshme në një rrugë jashtë një stacioni metroje në Londrën Lindore.

Policia është njoftuar për rastin nga një telefonatë anonime.

Sipas medieve vendase për arsye ende të paditura shqiptari është konfliktuar me një person tjetër.

Policia gjeti në vendngjarje shqiptarin e pajetë, ndërsa personin tjetër të plagosur.

Aktualisht i plagosuri po merr ndihmë mjekësore në spital, ndërsa identiteti i tij nuk është bërë ende i ditur. Autoritetet londineze po punojnë për zbardhjen e rrethanave të ngjarjes.