MOS MBANI SHPRESA/ Eksperti ‘plas bombën’: Serbia nuk do ta njohë kurrë Kosovën

Gerald Knaus, themelues i Nismës Evropiane të Stabilitetit, është shprehur se vendet perëndimore duhet t’i marrin seriozisht qëllimet agresive të Serbisë dhe se Europa dhe SHBA kanë një koleksion të tërë deklaratash të papërshtatshme dhe kërcënuese, për krijimin e Serbisë së Madhe nga ana e Aleksandër Vulin, i cili ka qenë anëtar i spikatur i qeverive të ndryshme në role të ndryshme ne Beograd.

Ai tha gjithashtu se deklaratat e zyrtarëve serbë për të hyrë me forcë në Kosovë, gjoja se do të mbrojnë serbët në Veri, duhen dënuar me forcë nga të gjithë faktorët ndërkombëtarë.

“E ashtuquajtura Bota Serbe ehtë e kundërta e vizionit të Integrimit Evropian. Kjo duhet marrë seriozisht pasi qellimet jane agresive nga ana e Serbise” – theksoi Knaus duke shtuar se ka shpikje dhe trillim nga mediat ne Beograd per masakra dhe valë dhune ndaj serbëve në Kosovë, të cilat ne fakt nuk eksitojne, teksa dhe ka ministra serbë qe thonë se më shumë se 100 serbë janë vrarë në Kosovë që nga krijimi i qeverisë së re të drejtuar nga Albin Kurti. Shikoni statistikat qe thone se numri i serbëve të vrarë në Kosovë është 3 dhe te gjithë të dyshuarit per keto vrasje janë serbët. E gjitha kjo eshte thjesht propaganda. Pyetja është, pse po shpikin numra? Sepse duan te justifikojne planin e tyre per te nderhyre me force ne Kosove, gjoja per te mbrojtur serbet atje. Kjo eshte një ide e tmerrshme qe duhet të kundërshtohet fuqishëm dhe në çdo mënyrë të mundshme nga i gjithë Komuniteti ndërkombëtar” – potencoi eksperti.

Gerald Knaus, themelues i Nismës Evropiane të Stabilitetit, është shprehur se njohja e Kosovës nga Serbia nuk do të arrihet dhe se këtë gjë e ka parashikuar edhe diplomati Marti Ahtisari, i cili sipas tij, 17 vite më parë ka deklaruar se ‘asnjë sasi bisedimesh shtesë, cilido qoftë formati, nuk do ta kapërcejë këtë ngërç.’

Ai tha gjithashtu se këtë e vërteton edhe deklarata e kryeministrit të ri të Serbisë, që tha se Kosova nuk do të jetë kurrë shtet.

“Ndonjëherë është ide e mirë t’u drejtohesh njerëzve që janë më të zgjuar se unë. Për shembull, fituesi i çmimit Nobel për paqen, Marti Ahtisari. Ai fitoi një çmim Nobel për paqen, ishte një nga diplomatët më të dalluar në dekadat e fundit në botë. Ishte ai qe tha 17 vite me pare se diskutimet për statusin mes Kosovës dhe Serbisë ishin shteruar.

Qe ate kohe ai nuk shihte asnjë mundësi për përparim në këto diskutime. Le te kujtojme raportin e tij në OKB –  ‘Asnjë sasi bisedimesh shtesë, cilido qoftë formati, nuk do ta kapërcejë këtë ngërç.’ Kjo eshtë e vërtetë edhe sot. Tentojnë, përpiqen, siç ka bërë BE-ja në vitet e fundit, amerikanët, por shumë të tjerë pas Ahtisarit, të bashkojnë Beogradin dhe Prishtinën, Kosovën dhe Serbinë për të diskutuar, por gjithcka ka qene e kote. Në fund të fundit, njohja dhe statusi nuk do të funksionojnë. Ne e pamë kryeministrin e ri të Serbisë në deklaratën e tij të parë duke iu referuar të ashtuquajturit shtet i Kosovës, që nuk do të jetë kurrë shtet. E po, ky është fundi i diskutimeve” – deklaroi Gerald Knaus