Moti i keq/ Përmbytje në Kosovë, rritet niveli i lumenjve

Mot i keq ka pushtuar edhe Kosovën. Në komunën e Junikut, sipas zyrtarëve situata e krijuar nga reshjet e shiut ka shkaktuar vërshime dhe përmbytje. Është rritur niveli i lumi Erenik dhe disa fshatra dhe lagje po përballen me vështirësi. • Reshjet e vazhdueshme të shiut kanë shkaktuar vështirësi dhe në komunën e Vushtrrisë. Situta më e rënduar sipas tij paraqitetet në Prishtinë-Mitrovicë. Lumi Sitinca ka rritje të nivelit dhe se aktualisht nuk ka rrezik për dalje nga shtrati. • Edhe në komunën e Pejës, drejtori për Mbrojte dhe Shpëtim Gëzim Gashi i ka thënë Radios Evropa e Lirë se po përballen me vështirësi pas reshjeve të shiu, por se situata është nën kontroll nga ekipet emergjente. Në Istog, ndërkohë raportohet se nga vërshimet janë shkaktuar dëme të konsiderueshme në ekonomitë familjare, biznese, në bujqësi. Drejtori i Drejtorisë së Shërbimeve Publike në Istog, Abedin Kabashi tha se situata nga reshjet e mëdha të shiut është e rëndë. Sipas tij, vërshime ka në disa pjesë të kësaj komune. • Instituti Hidrometeorologjik i Kosovës në një njoftim më 18 nëntor ka thënë se reshjet e shiut me intensitet dhe shtrirje të ndryshme territoriale pritet të vazhdojnë deri të hënën më 21 nëntor. Më të theksuara reshjet e shiut, sipas Institutit do të jenë nëpër disa pjesë të Kosovës, sidomos në Gjakovë, Junik, Deçan, Pejë, Istog, Klinë, Malishevë, Rahovec dhe vende tjera.