Motta: Napoli-Juventus, ndeshje e madhe, duhet versioni më i mirë për fitoren

Trajneri i Juventusit, Thiago Motta, në konferencën e tij për shtyp para ndeshjes kundër Napolit, u ndal ndër të tjera te pozitat aktuale në renditje të dy ekipeve:

“Sa vlen kjo ndeshje? Distanca në renditje është realiteti, sepse Napoli është një ekip i madh me një trajner të shkëlqyer. Ata e kanë merituar vendin e parë. Ne jemi pas tyre, gjithashtu me meritë. Nesër do të jetë një ndeshje e madhe mes Napolit dhe Juventusit dhe duam të tregojmë versionin tonë më të mirë për të arritur fitoren.”

Sa jeni i kënaqur me punën tuaj?

Ideja jonë është të bëjmë një punë të madhe gjatë javës për të arritur fitoren. Për shumë gjëra që kemi bërë jam i kënaqur, kemi një skuadër të re dhe shumë të talentuar. Me disa dëmtime të papritura, kemi pasur gjithmonë guximin për të kapërcyer çdo vështirësi që na është shfaqur. Ka pasur shumë ndryshime në ekip, ndryshime të nevojshme për arsye të ndryshme. Nesër do të luajmë një ndeshje të madhe: Napoli-Juventus.”

Për Locatelli-n? Karakteri i tij është jashtëzakonisht i rëndësishëm dhe, për këtë arsye, ai është bërë kapiten i skuadrës me natyrshmëri dhe normalitet. Në fushë bën gjithmonë gjëra të rëndësishme për skuadrën. Nga mënyra si e shoh unë, kështu duhet të jetë. Ai e ka fituar këtë rol me qëndrimin e tij. Përveç kësaj, pozita që luan në fushë është shumë e rëndësishme. Ai di të luajë më përpara dhe, duke qenë më përpara, është një rol që e kryen më mirë dhe është më i mësuar. Për karakteristikat e tij, është më e favorshme. Por në disa ndeshje ka luajtur një rol tjetër dhe nuk mund të shprehet si kur është më përpara, por për skuadrën është shumë funksional.

E bën skuadrën të funksionojë më mirë. Ndonjëherë e vë veten në vështirësi për të mirën e ekipit. I kërkoj këtë si lojtar dhe si kapiten dhe ai e ka fituar këtë rol dita-ditës. Në ndeshjet e fundit ka luajtur një rol që, po, e bën mirë, por mund të bëjë më mirë më përpara. Megjithatë, aty ndihmon shokët e tij të skuadrës të performojnë më mirë. Kur i kërkoj diçka, e bën me qëndrimin e duhur dhe pa asnjë ankesë. Ai e jep gjithmonë 200%.”