Ndërron jetë gjatë ndërhyrjes estetike influencuesja e njohur

Influencuesja e njohur braziliane, Luana Andrade, ka vdekur tragjikisht pasi iu nënshtrua një operacioni me liposuksion në në Sao Paulo. Influencuesja 29-vjeçare pësoi 4 arreste kardiake pas komplikimeve të shkaktuara gjatë procedurës estetike. Sipas Marca, zemra e zonjës Andrade u ndal afërsisht dy orë e gjysmë pas operacionit. Mjekët ndaluan procedurën e heqjes së dhjamit dhe u përpoqën ta ringjallën atë. Ajo u transferua në repartin e kujdesit intensiv. Spitali në një deklaratë tha: “Operacioni u ndërpre dhe pacientja iu nënshtrua analizave që zbuluan trombozë masive. Ajo u transferua në ICU ku iu nënshtrua mjekimeve dhe trajtimit hemodinamik”. I dashuri i saj, Joao Hadad shkroi në Instagram, “Jam i copëtuar dhe po jetoj makthin tim më të madh. Një pjesë e imja u largua”. Ndikuesja kishte një ndjekës masiv në rrjetet sociale në Instagram dhe zotëronte markën e saj të veshjeve, Lukand. Ajo punoi si asistente në skenë për Domingo Legal. Ajo ishte gjithashtu pjesë e reality show, Power Couple Brasil 6, i cili u transmetua në vitin 2022