Connect with us

Bota

Nëntë mitet mbi Covid-19, që vështirë se do të zhduken ndonjëherë

Published

on

Ndërsa bota vazhdon të përballet me koronavirusin e ri, ajo po ndeshet në të njëjtën kohë edhe me një lloj tjetër epidemie:dezinformacioni . Kjo “infodemi” është po aq e dëmshme sa vetë Covid-19, pasi i ka nxitur njerëzit të minimizojnë egërsinë e sëmundjes, dhe të injorojnë këshillat e autoriteteve, në favor të trajtimeve apo “kurave” të paprovuara shkencërisht.

Një studim i fundit nga fondacioni “John S. & James L.Knight” dhe Gallup, zbuloi se 4 në 5 amerikanë thonë se përhapja në internet e dezinformacioneve, është problemi më i madh me të cilin përballet media. Ja cilat janë disa nga gënjeshtrat më të njohura mbi pandeminë:

Miti Nr.1: Koronavirusi i ri u krijua në një laborator në Kinë

Për shkak se patogjeni u shfaq fillimisht në Vuhan të Kinës, presidenti amerikan Donald Trump ka pohuar – pa prova – se ai e ka origjinën nga një laborator atje. Madje disa teoricienë të konspiracioneve, kanë spekuluar se virusi i krijua enkas si një armë biologjike, edhe pse kjo është mohuar nga agjencitë amerikane të inteligjencës.

Duke reaguar ndaj thirrjeve për një hetim të pavarur ndërkombëtar në lidhje me origjinën e virusit, Kina ka ftuar studiues nga Organizata Botërore e Shëndetit që të hulumtojnë mbi këtë çështje. Por provat e deritanishme, sugjerojnë që SARS-CoV-2 nuk u krijua në ndonjë laborator.

Miti Nr.2: Elitat e pasura e përhapën me qëllim virusin, për të pasur më shumë para dhe pushtet

Në një video që qarkullon në internet me titull “Plandemic”, dhe një libër me bashkautore mjeken Xhudi Mikovic, që dikur botoi një studim mbi sindromën e lodhjes kronike, pretendon se drejtori i Institutit Kombëtar të Alergjive dhe Sëmundjeve Infektive Entoni Fauçi dhe bashkë-themeluesi i “Microsoft”, Bill Gejts, e kanë përdorur ndikimin e tyre për të përfituar nga sëmundjet.

Videoja u shpërnda gjerësisht nga kundërshtarët e vaksinimit, dhe grupi i teorive të komplotit “QAnon” në internet. Ai u pa më shumë se 8 milionë herë në YouTube, Facebook, Twitter dhe Instagram para se të hiqej nga këto platforma për shkak të pretendimeve të saj të rreme.

Miti Nr.3: Covid-19 nuk është më i keq se sa gripi i zakonshëm

Që në ditët e para të pandemisë, Donald Trump, ka pohuar vazhdimisht se sëmundja nuk është më e rrezikshme sesa gripi sezonal. Edhe pse shkalla e saktë e vdekshmërisë së Covid-19 është e vështirë të përcaktohet, epidemiologët dyshojnë se ajo është shumë më e lartë se sa ajo e gripit të zakonshëm.

Qendrat për Kontrollin dhe Parandalimin e Sëmundjeve në SHBA, vlerësojnë se gripi shkakton 12.000-61.000 të vdekur në vit. Ndërkohë deri tani, Covid -19 ka shkaktuar më shumë se 180 mijë të vdekur vetëm në SHBA. Shumë njerëz kanë një imunitet të pjesshëm ndaj gripit, për shkak të vaksinimit apo infeksioneve të mëhershme, ndërsa shumica e botës nuk ka rënë ende në kontakt me Covid-19.

Miti Nr.4: Nuk keni nevojë të mbani maskë

Megjithëse në fillim OBSH-ja ishte disi konfuze, tani ka një konsensus të madh midis autoriteteve të shëndetit publik, mbështetur nga studime të shumta, se mbajtja e maskave në fytyrë mund të kufizojë transmetimin e koronavirusit. Por, pavarësisht provave studimore, shumë njerëz refuzojnë ende të mbajnë maskë, duke e konsideruar këtë gjë një shkelje të të lirive civile.

Guvernatori i Xhorxhias në SHBA, Brajan Kemp shkoi aq larg, sa firmosi një urdhër ekzekutiv që i ndalon autoritetet vendore të imponojnë zbatimin e kësaj mase sigurie. Ai paditi në gjykatë kryebashkiaken e qytetit të Atlantës, Keisha Botoms, edhe pse më vonë  u tërhoq prej saj.

Miti 5: Hidroksiklorokina, është një ilaç efektiv kundër Covid-19

Kur një studim i kufizuar në Francë, dhe që sot është shumë i kritikuar, sugjeroi që ilaçi kundër malaries mund të ishte efektiv në trajtimin e sëmundjes, presidenti amerikan Trump dhe të tjerët e shfrytëzuan rastin, duke e promovuar përdorimin e saj masiv, pavarësisht provave në rritje se përfitimet nuk ishin dhe aq të mëdha sa mendohej në fillim.

Nën presionin e Trump, Administrata e Ushqimit dhe Barnave (FDA) autorizoi në fillim përdorimin e saj, por më vonë u tërhoq për shkak të rrezikut të shkaktimit të dëmeve anësore serioze në zemrën e të sëmurëve me Covid-19.

Miti Nr.6: Protestat publike sjellin shtimin e rasteve

Kur mijëra njerëz dolën në rrugët e qyteteve amerikane në fund të muajit maj dhe fillimin e qershorit, për të protestuar kundër vrasjes nga policia të afro-amerikanit Xhorxh Floid, disa njerëz pretenduan se tubimet masive do të shkaktonin një shtim të madh të rasteve me koronavirus.

Një studim mbi protestat në 315 qytetet më të mëdha në SHBA nga Byroja Kombëtare e Kërkimeve Ekonomike, nuk gjeti prova se ato çuan në më shumë raste me Covid-19 apo edhe vdekje. Madje fakti që protestat janë zhvilluar në mjedise të hapura, ku rreziku i transmetimit është shumë më i ulët, dhe ku protestuesit mbanin kryesisht maska, ka të ngjarë të ketë parandaluar përhapjen e Covid-19.

Miti Nr.7: Rastet shtohen për shkak të shtimit të testimeve ditore

Donald Trump ka pretenduar shpesh se shtimi i rasteve me koronavirus, është pasojë e shtimit të numrit të njerëzve që testohen. Ai tha në një rast:”Nëse nuk testojmë… s’do të kemi thuajse asnjë rast!”. Nëse ky skenar do të ishte i vërtetë, ne do të prisnim që përqindja e atyre që rezultojnë pozitivë me Covid-19 të binte.

Por analiza të shumta kanë treguar të kundërtën. Numri i rasteve është rritur në shumë shtete me shpërthime të mëdha epidemike (si Arizona, Teksasi dhe Florida), ndërsa ka rënë në ato shtete që kanë kontrolluar valët e tyre epidemike (si Nju Jorku).

Miti Nr.8: Ne mund ta arrijmë “imunitetin e tufës”, vetëm duke lejuar përhapjen e lirshme të virusit në popullatë

Ekspertët vlerësojnë se për të arritur “imunitetin e tufës”, duhet të preken nga koronavirusi afro 60-70 për qind e njerëzve. Por duke pasur parasysh shkallën relativisht të lartë të vdekshmërisë së kësaj sëmundje, lejimi që virusi të infektojë sa më shumë individë, mund të shkaktojë miliona të vdekur.

Një tragjedi  tillë ndodhi gjatë pandemisë së gripit të vitit 1918, në të cilën mendohet se vdiqën rreth 50 milionë njerëz. Shkalla e vdekshmërisë nga Covid-19 në Britaninë e Madhe është ndër më të lartat në botë. Ndërkohë Suedia, ka pasur më shumë vdekje se vendet fqinje, dhe pësuar dëme serioze në ekonomi, pavarësisht se nuk u fut në karantinë.

Miti Nr.9: Çdo vaksinë do të jetë e pasigurt, dhe një rrezik më i madh sesa prekja nga Covid -19

Tek “Plandemic”, Mikovic pretendon se çdo lloj vaksine kundër Covid-19 do të “vrasë miliona” njerëz, dhe se vaksina të tjera e kanë bërë këtë gjë më herët (në fakt, vaksinat shpëtojnë miliona jetë çdo vit). Një tjetër teori konspirative, pretendon se Bill Gejt ka një plan të fshehtë për t’i përdorur vaksinat si një mënyrë për të vendosur mikroçipe në trupa e njerëzve.

Gejt e ka hedhur poshtë këtë akuzë, e cila nuk bazohet në prova. Shumica e amerikanëve e mbështesin ende vaksinimin, por zërat kundërshtues janë në rritje. Një sondazh i fundit i Gallup, zbuloi se 1 në 3 amerikanë nuk do të pranonte të vaksinohej kundër Covid-19.

Ka plot arsye për të qenë të kujdesshëm në lidhje me sigurinë e një vaksine të re, por nevoja për maturi është arsyeja pse vaksinat kandidate kryesore, po testohen në shkallë të gjerë prej deri në dhjetëra mijëra njerëz, për të përcaktuar sigurinë dhe efikasitetin e tyre.

Bota

Stuhitë godasin Europën, 13 viktima…edhe fëmijë

Published

on

By

Stuhitë e fuqishme që kanë goditur zona të Evropës qendrore dhe jugore, kanë vrarë të paktën 13 persona dhe mes tyre edhe tre fëmijë. Vdekjet, shumica nga rënia e pemëve, u raportuan në Itali dhe Austri dhe në ishullin francez të Korsikës.

 

Stuhitë pasojnë javë të të nxehtit dhe thatësirës në pjesën më të madhe të kontinentit. Në Korsikë, erërat e fuqishme shkulën pemët dhe dëmtuan shtëpitë e lëvizshme. Autoritetet thanë se një vajzë 13-vjeçare u vra nga një pemë që u rrëzua në një kamping. Një burrë vdiq në një incident të ngjashëm dhe një grua e moshuar u vra kur makina e saj u përplas nga çatia e shkëputur e një kasolleje në plazh. Dy persona të tjerë, një peshkatar dhe një femër, humbën jetën në det.

 

Më vonë Ministri i Brendshëm francez Gérald Darmanin, i cili mbërriti në Korsikë për të inspektuar dëmet e stuhisë, raportoi një vdekje të gjashtë. Dhjetëra të tjerë u plagosën si në tokë ashtu edhe në det. Dëshmitarët e stuhive thanë se ato ishin krejtësisht të papritura dhe nuk u dha asnjë paralajmërim.

 

Në Austri dy vajza u vranë nga një pemë që ra pranë një liqeni në Carinthia. Më vonë, tre vdekje të tjera u raportuan nga mediat në provincën e Austrisë së Poshtme, gjithashtu si pasojë e rënies së një peme.

 

Ndërkohë në Itali, një burrë dhe një grua u vranë nga rrëzimi i pemëve në incidente të veçanta në rajonin e Toskanës. Por në Italinë jugore vazhdon vala e të nxehtit, me temperatura deri në 40 gradë Celsius të regjistruara në Siçili.

Continue Reading

Bota

Shkencëtarët japin alarmin: Uji po bëhet më i nxehtë

Published

on

By

Shkencëtarët alarmojnë: Uji po bëhet më i nxehtë

Mesdheu po ngrohet. Edhe pse për shumë është kënaqësi zhytja në ujëra jo shumë të ftohtë, për ekspertët mbinxehja është problem. Ndryshimet klimatike po shkaktojnë dëme edhe në dete.

Sipas shkencëtarëve, temperatura e ujit nga Tel Avivi në Rivierën Franceze, duke kaluar nga Spanja dhe Italia, është rritur me 3-5 gradë mbi mesataren për periudhën e verës.

Studiues nga Instituti i Shkencave Detare në Barcelonë, thonë se “pasojat e mbinxehjes tashmë janë të dukshme për të gjithë, Mesdheu po ngrohet duke e kaluar nxehtësinë e tij edhe në oqeane”.

Sipas një studimi të kryer nga 30 shkencëtarë nga 11 vende në Detin Mesdhe, valët e të nxehtit midis vitit 2015 dhe 2019 prekën më shumë se 50 specie. Mes viteve 1982 dhe 2018, temperatura e këtij deti u rrit me 0,4 deri në 4 gradë për çdo dekadë.

Ekspertët dhe organizatat mjedisore kërkojnë që 30% e detit të mbrohet nga aktiviteti njerëzor për t’u dhënë mundësi specieve detare të mos zhduken plotësisht. Por aktualisht, vetëm 8% e zonës së Mesdheut është plotësisht e mbrojtur.

Continue Reading

Bota

Rusët rrafshojnë me bomba qytetin Kharkiv

Published

on

By

Lufta në Ukrainë, rusët rrafshojnë me bomba Kharkivin

Lufta në Ukrainë nuk lë shpresë se situata mund të tulatet. Në Kharkiv, ekipet e shpëtimit vazhdojnë të gërmojnë për të gjetur të mbijetuar në rrënojat e ndërtesave të goditura nga bombat ruse.

Presidenti ukrainas Volodymyr Zelenskyy i ka quajtur goditjet si sulme cinike ndaj civilëve, ka shprehur krenari për qëndresën, një tregues i së cilës është kthimi i delegacioneve diplomatike në kryeqytetin Kiev.

Në ditët në vijim, Zelenskyy do të takohet me Sekretarin e Përgjithshëm të Kombeve të Bashkuara Antonio Guterres dhe presidentin turk Rexhep Tajip Erdogan për të diskutuar situatën në vend pothuajse gjashtë muaj pas pushtimit rus si dhe për marrëveshjen e fundit për eksportin e grurit ukrainas.  Sipas OKB-së, midis 1 dhe 15 gushtit , nga portet e Ukrainës janë larguar 21 anije duke transportuar mbi 560,000 tonë produkte bujqësore.

Ndërkohë në Mariupol, qyteti i bombarduar rëndë në fillim të konfliktit, ushtria ruse po punon për rindërtimin.

Continue Reading

Bota

Putin: 16 mijë dollarë për gratë që lindin 10 fëmijë

Published

on

By

Vladimir Putin ka rikthyer titullin “Nëna Heroinë” për gratë që lindin dhe rrisin dhjetë ose më shumë fëmijë, shkruan CNN.

Putin nënshkroi një dekret të hënën për titullin “Nëna Heroinë”, të cilin udhëheqësi sovjetik Josef Stalin e nënshkroi për herë të parë në 1944, pas humbjeve masive të popullsisë gjatë Luftës së Dytë Botërore.

Sipas dekretit të Putinit, nënave do t’u jepet një pagesë prej 1 milion rubla (16,500 dollarë) sapo fëmija i tyre i 10-të mbush një vjeç dhe 9 fëmijët e tjerë janë gjallë. Ky është një veprim për të frenuar rënien e vazhdueshme demografike në Federatën Ruse që nga viti 2018.

Titulli “Nëna Heroinë” është në të njëjtin nivel statusi me urdhrat e rangut të lartë shtetëror si Hero i Rusisë dhe Hero i Punës. Megjithatë, qeveria ruse do të marrë parasysh ata që janë zhdukur ose kanë vdekur gjatë mbrojtjes së atdheut.

Sipas statistikave të fundit të Rosstat të publikuara këtë verë, popullsia e Rusisë u tkurr mesatarisht me 86,000 njerëz në muaj midis janarit dhe majit, një rekord. Përveç kësaj, Rusia po pëson humbje të mëdha në Ukrainë, por numri i vërtetë i viktimave nuk është bërë i ditur.

Në një përpjekje për të lehtësuar krizën e popullsisë në Rusi, Kremlini është fokusuar gjithashtu në promovimin e vlerave tradicionale

Continue Reading

Bota

Koreja e Veriut lëshoi dy raketa drejt Perëndimit

Published

on

By

Koreja e Veriut lëshoi sot dy raketa lundrimi në drejtim të Perëndimit, njofton agjencia kombëtare e lajmeve e Koresë së Jugut Yonhap.

Mëngjesin e sotëm, ne kemi detektuar dy raketa lundruese të lëshuara nga Koreja e Veriut në Detin Perëndimor nga Onço, në provincën e Pionganit Jugor”, tha një zyrtar i Ministrisë së Mbrojtjes për AFP-në.

“Autoritetet ushtarake të Shteteve të Bashkuara dhe Koresë së Jugut po analizojnë specifikat, sikurse është distanca e fluturimit të këtyre raketave”, shtoi ky zyrtar.

Testimi i lëshimit të raketave u regjistrua pikërisht sot, në ditën kur presidenti i ri konservator Yoon Sok-gil plotësoi 100 ditë në pushtet në Korenë e Jugut.

Lëshimi i këtyre raketave vjen teksa Koreja e Jugut dhe Shtetet e Bashkuara nisën përgatitjet për stërvitjet e përbashkëta ushtarake që do të mbajnë nga 22 gushti deri më 1 shtator.

Continue Reading
Advertisement
Advertisement

TRENDING