“Nëse do të ishte për të ikur, nuk do më kapnit kurrë”, ja çfarë deklaroi Safet Bajri në gjyq

GJKKO ka lënë në burg Safet Bajrin dhe dy të akuzuarit e tjerë, Behar Bajrin dhe Asmer Bilalin, në lidhje me vrasjen e Fatbardh Licit në vitin 2018.

Avokati i Safet Bajrit ka folur pasi Gjykata e Posaçme la në fuqi masën e sigurisë “arrest në burg” për klientin e tij. Avokati tha se Safet Bajri ka deklaruar në gjyq se është paraqitur vetë në polici, pasi është i hapur për të ndihmuar në hetimet e SPAK.

Më tej ka shtuar se Bajri është shprehur se po të donte të ikte, autoritetet nuk do ta kapnin kurrë.

Avokati: Safeti e bëri të qartë që jam paraqitur vetë, jam i hapur me hetimin, sa herë më kanë ardhur për kontroll banese jam treguar i hapur me hetimin, nëse ishte për të ikur s’do më kishin kapur kurrë, edhe vetë jam prapë këtu sepse dua të përballem me hetimin, jam i hapur me hetimin. Është paraqitur vetë.

Lidhur me analizën e AND-së

Avokati: Kjo është pjesë e hetimit, por Safet Bajri e ka dhënë analizën e AND sa herë është shoqëruar, e kanë analizën e ADN. Nuk e di për çfarë ngjarje kërkohet atë e di prokuroria.

Cila ishte prova e paraqitur?

Avokati: Nuk është provë e re.