Netanjahu falenderon Trump: Bashkë do vazhdojmë të punojmë për të mposhtur armiqtë e përbashkët

Kryeministri izraelit Benjamin Netanyahu shprehu mirënjohjen e tij ndaj Donald Trump për mbështetjen e tij ndaj tij dhe popullit hebre, menjëherë pas mesazhit të parë nga Udhëheqësi Suprem iranian Ajatollah Ali Khamenei pas armëpushimit midis dy vendeve.

“Faleminderit shumë, President Trump, për mbështetjen tuaj prekëse për mua dhe mbështetjen tuaj të jashtëzakonshme për Izraelin dhe popullin hebre. Ne do të vazhdojmë të punojmë së bashku për të mposhtur armiqtë tanë të përbashkët, për të liruar robërit tanë dhe për të zgjeruar shpejt rrethin e paqes”, theksoi Netanyahu në një postim në X, të cilin e shoqëroi me një foto të përbashkët.

Benjamin Netanyahu më pas e ripostoi mesazhin e Donald Trump në Truth Social, ku presidenti amerikan sulmoi ashpër gjyqin për korrupsion të kryeministrit izraelit, duke e quajtur atë një “proces qesharak” dhe një “gjueti shtrigash”.

Trump shkroi se ai dhe kryeministri izraelit kaluan së bashku nëpër FERR, duke luftuar një armik shumë të ashpër dhe të zgjuar prej kohësh të Izraelit,

“Kushdo tjetër do të kishte pësuar humbje, turp dhe kaos! Bibi Netanyahu ishte një LUFTËTAR, si asnjë LUFTËTAR tjetër në Historinë e Izraelit”, tha Trump, duke shtuar se ishte një çështje politike dhe bëri thirrje për anulimin e menjëhershëm të gjyqit ose një falje, duke e quajtur Netanyahun një hero të vendit që ka bërë kaq shumë për të.