Netanyahu shpall fitoren historike, thotë se Izraeli e largoi kërcënimin bërthamor të Iranit

Kryeministri Benjamin Netanyahu tha të martën se Izraeli në 12 ditët e luftës me Iranin e kishte larguar kërcënimin e shkatërrimit bërthamor dhe ishte i vendosur të pengonte çdo përpjekje të Teheranit për të ringjallur programin e tij.

“Ne kemi hequr dy kërcënime ekzistenciale të menjëhershme për ne – kërcënimin e shkatërrimit bërthamor dhe kërcënimin e shkatërrimit nga 20 mijë raketa balistike”, tha ai në video-komentet e publikuara nga zyra e tij.

“Nëse dikush në Iran përpiqet ta ringjallë këtë projekt, ne do të punojmë me të njëjtën vendosmëri dhe forcë për të penguar çdo përpjekje të tillë. E përsëris, Irani nuk do të ketë armë bërthamore”, shtoi Netanyahu.

Ai e quajti atë një fitore historike që do të qëndrojë për breza.

Netanyahu tha se Izraeli nuk ka pasur kurrë një mik më të mirë në Shtëpinë e Bardhë sesa presidenti Donald Trump, ushtria amerikane e të cilit kishte hedhur bomba masive bunker-shkatërruese në vendet bërthamore nëntokësore të Iranit në një sulm gjatë fundjavës.

“Miku ynë, Presidenti Trump, është bashkuar në anën tonë në një mënyrë të paparë. Nën drejtimin e tij, ushtria e Shteteve të Bashkuara e shkatërroi vendin nëntokësor të pasurimit në Fordow”, ravijëzoi kryeministri izraelit.