Neymar ‘vishet me ar’ për dy vjet, zyrtarisht në Al-Hilal

Futbollisti brazilian Neymar është zyrtarisht lojtari i ri i Al-Hilal saudit, njoftoi klubi në rrjetet sociale.

Negociatat që nisën gjatë fundjavës përfunduan sot dhe braziliani nënshkroi një kontratë dyvjeçare. Ai do të veshë fanellën me numrin 10 në klubin e tij të ri.

PSG do të marrë 80 milionë euro për këtë transferim, së bashku me bonuse të caktuara, shkruan “Marka”, e cila thekson se Neymar do të fitojë 200 milionë euro në vit. Dhe, kur të shtohen kontratat nga reklamat dhe sponsorët, të ardhurat vjetore mund të arrijnë në 350 milionë.