ITALI– Vitet e fundit kanë qenë të vështira për karabinierët italianë, të cilët janë përballur më mafjet kriminale që janë të lidhura me vendet e tjera të rajonit. “Kryefjala” e ngjarjeve kriminale ka qenë droga. Rreth 100 kg kokainë u shitën në vetëm tre muaj në territorin e Torvaianica, Pomezia dhe Ardea.
Në listën e emrava të përfshirë,është padyshim edhe Selavdi Shehaj. Emri i tij është shumë i vështirë për t’u shqiptuar nga italianët, prandaj njihet si shqiptari 38-vjeçar Simone, ose ndryshe ai njihet si “Sparrow”.
Në vetëm pak kohë ai arriti të bëjë emër në krimin e organizuar. Nga një shpërndarës i vogël, bëhet një pikë referimi në bregdetin romak dhe përmes një turneu të “kushërinjve”, organizon dyqanet në plazh përmes kioskave të bregdetit nga Torvaianica në Tor San Lorenzo.
Biznesi i tij u rrit në një kohë shumë të shkurtër. Aty ai u jep urdhra “kushërinjve” të tij, të cilët mund të lëvizin lirshëm ndërsa ai qëndronte i mbyllur në shtëpi.
Simonen, ishte e lehtë ta takoje në baret e zonës, duke lëvizur me biçikletën e tij të madhe jeshile fosforeshente. Nëse dikush e shikonte, ai buzëqeshte. Ai ishte miqësor me këdo, pasi u bë mik me të gjithë gjatë vitit të kaluar në zonë, aq sa në Tor San Lorenzo ai portretizohet si “një person shumë i mirë, me një zemër flori”, duke ndihmuar persona në nevojë.
“Ai gjithmonë sillej mirë,” thotë një person që dëshiron të mbetet anonim, “Nuk më interesonte se çfarë bëri për të siguruar jetesën. Sigurisht, e pashë që kishte byzylykun në kyçin e këmbës, ai vetë më kishte thënë një nga herët e para që ishte në arrest shtëpie, por këtu ai gjithmonë ka treguar korrektësinë më të madhe me të gjithë. Kur mësova se e kishin vrarë, me të vërtetë më erdhi shumë keq. Nuk e meritonte atë, sepse e bëri veten të dashur”. Ja, kjo ishte fytyra tjetër e Simones.
Ndërsa ishte në arrest shtëpiak, ai ende kontrollonte tregtinë e drogës në plazhet nga Torvaianica në Tor San Lorenzo, ose hakmarrja lidhet me një histori edhe më të vjetër. Këtu përqendrohet vëmendja e hetuesve.
Në vitin 2018, familjes mafioze siciliane iu desh të merrej me grupe të tjera kriminale, të paktën për sa i përket tregtisë së drogës. Balanca që deri atëherë ishte mbajtur shumë mirë, edhe në sajë të ndërhyrjes së vazhdueshme të Francesco D’Agati, një bos i moshuar sicilian i cili gjithashtu banon në Tor San Lorenzo. Duket se biznesi I tyre pa penguar njëri-tjetrin, tani ishte prishur.
Dhe shkak u bë ardhja jo vetëm e mafies shqiptare dhe sllovene, por edhe të vullnetit të një farë grupi kriminal romak që dëshiron të përmbysë dominimin e Fragalà.
Grupi përbëhej nga personazhe të tillë si Fabrizio Piscitelli , i vrarë në Romë në parkun e Ujësjellësve më 7 gusht 2019, në rrethana shumë të ngjashme me ato të vrasjes që ndodhi një vit më vonë në Torvaianica.
Në të kaluarën, Piscitelli kishte rënë në konflikt me Fragalà ndërsa ishte në burg. Më 2 prill 2016, pas një lufte që përfshiu binjakët argjentinas, Emiliano Pasimovich u përpoq të vraponte mbi Simone. Ndodhi në Torvaianica, në Viale Francia.Teksa po largohej, Emiljano hipi në makinën e tij dhe u largua disa metra larg, por vuri re që Simone ishte në trotuar. Ai u përpoq ta përplaste me makinë, duke mos parashikuar reflekset e shpejta të shqiptarit, i cili u shmang, ndërsa makina u përplas me një shtyllë.
Këtë ngjarje nuk e denoncoi askush, sigurisht as Simone, i cili i mohoi gjithçka karabinierëve që ndërhynë për të zbuluar aksidentin. Por cila ishte arsyeja e grindjes së furishme dhe vrasjes së mëparshme në tentativë? Kjo është një pikë në të cilën hetuesit do të duhet të përpiqen të hedhin dritë, edhe pse me vdekjen e Simone misioni bëhet më i vështirë.
