Nis lëvizja portuale, Porti i Durrësi rikthehet në normalitet pas stuhisë “Ciara”

Porti i Durrësi ka njoftuar se ka nisur normalisht lëvizja portuale pas përkeqësimit të motit paraditen e sotme. Gjatë stuhisë u njoftua pezullimi i përkohshëm i operacioneve terminale portuale nga autoritetet e portit.

Sipas njoftimit thuhet se akset përreth portit janë të çliruara dhe pa pengesa në raport me qarkullimin. Ekipet e Emergjencave Civile të Portit të Durrësit janë të gatishmër të plotë për të ardhur në ndihmë, thuhet sipas njoftimit zyrtar.

NJOFTIMI I PORTIT TË DURRËSIT

“Pas përkeqësimit të kushteve të motit gjatë paradites së sotme, i cili shkaktoi pezullimin e përkohshëm të operacioneve, ka rifilluar gradualisht veprimtaria në terminalet portuale.

Ndërkohë të gjitha akset rrugore në hapësirat e Portit janë të lira dhe pa pengesa në qarkullim.

Ekipet operacionale dhe të Emergjencave Civile të Portit të Durrësit janë në gatishmëri të plotë për t’i ardhur në ndihmë përdoruesve të Portit si dhe në mbështetje të strukturave të Bashkisë Durrës.

Ekipet e APD mbeten në ndjekje të situatës, në bashkërendim me Drejtorine e Përgjithshme Detare dhe Kapitenerinë e Portit të Durrësit, dhe do të përditësojmë publikun në vijimësi.”