Nis Oktoberfest, ‘Festivali i birrës gjermane’

Eventi madhështor ‘Oktoberfest’ i cili zhvillohet në Mynih u hap ‘nën shenjën’ e traditës. Pas pushimit të detyrueshëm dyvjeçar për shkak të Covid-it, festa nisi me tre goditjet e çekiçit dhe thirrjen “Le të fillojë”

Ky ishte sinjali që njerëzit prisnin të vraponin për të pirë birra, siç i thonë në këtë rast, “Me fuci”. Në edicionin e fundit janë pirë mbi 7.3 milionë litra birrë.

Oktoberfest mirëpret normalisht rreth 6 milionë turistë. Këtë vit, pavarësisht erërave të krizës, vlerësohet se ky prag mund të tejkalohet.

Në Oktoberfest nuk është vetëm birra protagonistja e madhe, në fakt ka një program të pasur me parade dhe koncerte. Ai zgjat deri më 3 tetor dhe zhvillohet në një sipërfaqe prej 420,000 metrash katrorë dhe aksesi në zonë është falas.

Edicioni i parë i Oktoberfest daton në vitin 1810 dhe u mbajt me rastin e dasmës së Princit Ludwig të Bavarisë dhe Princeshës Tereze të Saksonisë. Që atëherë festivali është zhvilluar çdo vit.