Nota e protestës e Albin Kurtit, amatorizëm diplomatik/ Flet analisti politik Shkëlzen Maliqi

Analisti politik Shkëlzen Maliqi vlerëson si të pamenduar dërgimin e “notës verbale” përfaqësuesve të përhershëm të 27 vendeve anëtare të BE në të cilën Kosova ankohet për anësi të emisarit europian Mirosllav Lajçak, teksa akuzat ndaj emisarit europian i quan gabim i madh i Albin Kurtit

Ambasada e Kosovës në Bruksel përcolli dje notën me tetë faqe drejtuar të gjitha shteteve të BE në të cilën i dërguari special Mirosllav Llajçak akuzohet për anësi në dialog. Më herët Kurti u përcolli letër me përmbajtje të njëjtë edhe sekretarit amerikan të shtetit Entoni Blinken, presidentit francez Emmanuel Macron, kancelarit gjerman Olaf Scholz dhe kryeministres italiane Xhorxhia Meloni.

“Ka pasur vlerësime se ky lloj reagimi dhe përmbajtja ishin amatoreske. Edhe reagimi I menjëhershëm I Departamentit Amerikan të Shtetit, I cili vlerësonte emisarin Lajcak, flet për një gabim trashanik të kryeministrit të Kosovës”  – deklaroi analisti Maliqi

“Në parim, Albin Kurti pranoi Bashkësinë e Komunave Sërbe dhe të gjitha ato kërkesa të rëndësishme. Dhe tani, me procedurat, nëse kjo apo ajo do të jetë e para, sigurisht që egziston proces. Nuk mundet që asociacioni të formohet menjëherë, por mund të nisë të formohet, si dhe gjërat e tjera mund të shkojnë paralelisht, nëse egziston koncepti. Unë kështu e kuptova udhërrëfyesin e propozuar” ka thënë Maliqi teksa dhe ka vërejtur se kur hyn në ndonjë kompromis, duhet të qëndrosh brenda këtyre kuadratave. Sipas tij, Albin Kurti ka probleme me Perëndimin në përgjithësi dhe se nuk bëhet fjalë më vetëm për Amerikën.