NUK ESHTE KOHA TANI/ Albin Kurti për Bashkimin Kombëtar në median zvicerane

Kryeministri i Kosovës, Albin Kurti, duke folur për gazetën zvicerane “Neue Zurcher Zeitung” ka thënë se “nuk është koha” për bashkimin e Kosovës dhe Shqipërisë, posaçërisht duke pasur parasysh pasiguritë gjeopolitike aktuale.

“Në një epokë konfliktesh të mëdha, perspektiva e bashkimit kombëtar është ngushtuar. Tani bëhet fjalë për Evropën. Duke pasur parasysh kërcënimin rus, une do preferoja fillimisht që vendi Kosova të anëtarësohej në NATO” – ka deklaruar Kurti

“A është ky një lloj refuzimi i bashkimit kombetar? Jo tërësisht”, ka shkruar mes tjerash gazeta zvicerane duke cituar pjesë nga intervista e realizuar me kreun e ekzekutivit kosovar. “Kurti – ndoshta – do të praktikojë edhe durimin strategjik”, ka shtuar me tej media zvicerane.

Kujtojme se ideja e bashkimit Kosovë-Shqipëri, ndër vite, ka qenë pjesë e diskursit publik të Lëvizjes Vetëvendosje – një lëvizje qe e perditshmja zvicerane e quan nacionaliste dhe që identitetin e saj politik gjatë kohës së qëndrimit në skajet e opozitës e ka ndërtuar mbi kauzën e bashkimit kombëtar.

“Por, pas ngjitjes në pushtet, kjo ‘mini-ideologji’ rrallë është nxjerrë në sipërfaqe” – thuhet ne shkrimin e gazetes zvicerane.