OBSH: Vaksinat hundore mund të ndihmojnë 

OBSH: Vaksinat hundore mund të ndihmojnë 

Vaksinat hundore kundër koronavirusit mund të ndihmojnë në kontrollimin e pandemisë së koronavirusit, ka thënë Organizata Botërore e Shëndetësisë.

Këto lloj vaksinash janë miratuar në Indi dhe Kinë.

OBSH e ka mirëpritur mënyrën e re të luftimit të virusit, ndonëse ka thënë se dëshiron të ketë qasje në të dhënat për këto vaksina, dhe më pas të vendosë nëse do t’i miratojë.

Drejtori i OBSH-së për Emergjenca, Mike Ryan, ka thënë se vaksinat e dhëna përmes hundës kanë aktivizuar përgjigje në mukozën e mushkërive.

“Kjo vaksinë aktivizon frontin e parë të mbrojtjes, ku hyn virusi dhe ku shkakton dëme, prandaj, vaksina hundore mund t’i ndihmojnë një personi që të mos infektohet dhe që të mos e bart virusin te të tjerët”, ka thënë ai.

Ryan ka përmendur sesi vaksinat hundore, dhe ato që jepen përmes injeksionit, përdoren në kombinim për të luftuar sëmundjet sikurse poliomieliti.