Orë kritike për marrëveshjen/ Haradinaj, opozitari i vetëm që po e mbështet

Ndërkombëtarët po përpiqen në Kosovë t’i bindin LDK-në dhe PDK-në ta përkrahin propozimin evropian, të cilin e ka pranuar edhe Kryeministri Albin Kurti. Por dy partite opozitare, si asnjëherë më parë, nuk po i binden kërkesës së Perëndimit për ta përkrahur planin franko gjerman, të cilin e mbështet dhe e promovon SHBA-ja, teksa të gjithë kanë pasur disa takime me këto formacione politike, në tentativë për t’ua ndërruar mendjen.

Por duket se ish kryeministri Ramush Haradinaj nuk eshte me te njejtin pozicion me opozitarët e tjerë. Kryetari i AAK-së, fillimisht me fjalime në Kuvend, e më pas edhe me deklarata të tjera, u ka kërkuar kolegëve opozitarë që të mos jenë hipokritë, pasi, sipas tij, në mbarëvajtjen e negociatave me Serbinë kanë hise të gjithë.

“Qëndrimi i Aleancës për Ardhmërinë e Kosovës në mbështetje të propozimit euro-amerikan për normalizim të marrëdhënieve Kosovë-Serbi, është qëndrim pro interesave nacionale e shtetërore”, ka shkruar Haradinaj javën e kaluar, duke thënë se ky është konkluzion i dalë nga kryesia e partisë