Pele, 3 majat që nuk i preku kurrë në karrierën e tij

BRAZIL- Pele është i vetmi futbollist në botë që ka fituar 3 herë Kupën e Botës dhe e ka marrë atë në shtëpi në vitin 1970, por ka tre majat që ai nuk i preku kurrë në karrierën e tij të madhe. Magjistari brazilian i topit, i cili vdiq të enjten në moshën 82-vjeçare, nuk e fitoi kurrë Topin e Artë, nuk e fitoi kurrë Kupën e Amerikës me Brazilin dhe, as Kupën e Europës ose atë të Championëve pasi nuk kishte luajtur kurrë në Evropë.

Topi i Artë vetëm për evropianët

Topi i Artë filloi në vitin 1956 nga France Football me fituesin e parë Sir Stanley Matthews. Pele dhe Maradona, edhe pse luftuan për titullin e lojtarit më të mirë në botë, nuk e fituan kurrë Topin e Artë. Deri në vitin 1995, ato u jepeshin ekskluzivisht futbollistëve evropianë. Në vitin 1995, George Weah (Liberi) u bë i pari jo-evropian që e fitoi atë pas hapjes së kufijve. Në 1957 dhe 1959, Alfredo Di Stefano fitoi Topin e Artë.

Lideri i Real Madridit ishte me origjinë nga Argjentina, por i natyralizuar si spanjoll dhe gjithashtu luajti për kombëtaren e këtij vendi, kështu ai kishte të drejtë të merrte Topin e Artë, siç ndodhi me argjentinasin Omar Sivori në vitin 1961, i cili e fitoi atë si italian. Nëse Topi i Artë do t’u jepej që në fillim lojtarëve nga e gjithë bota, ka të ngjarë që Pele të kishte fituar 3 Kupa të Botës sa fitoi. Për historinë, Argjentinasi Lionel Messi është lojtari me më shumë (8) Topa të Artë.

Golashënuesi më i mirë, por i dyti

Pele mund të ketë marrë pjesë në 4 Kupa Botërore, por ai u paraqit vetëm një herë në Kupën e Amerikës. Kjo ishte në vitin 1959. Faza finale u mbajt në Buenos Aires dhe përfshinte 7 ekipe. Argjentina fitoi titullin e parë. Ai grumbulloi 11 pikë dhe Brazili i Peles me 10 mbeti në vendin e dytë. Dy skuadrat u përplasën në ndeshjen e fundit të turneut. Pele shënoi por ndeshja përfundoi në barazim dhe Brazili përfundoi i dyti. Pele ishte golashënuesi më i mirë i turneut me 8 gola në 6 ndeshje.

Asnjëherë nuk fitoi në Evropë

Pele nuk e fitoi dy herë Ligën e Kampionëve të Amerikës Latine me Santosin, pra Copa Libertadores. Por asnjëherë në jetën e tij ai nuk pretendoi titullin në kampionatin më të mirë të klubeve në botë, atë të atëhershëm të Kupës së Kampionëve të Evropës dhe Champions League të sotëm. Braziliani, ndonëse kishte oferta të mëdha nga Real Madrid, Inter Milan dhe Napoli për t’u larguar nga Santos, ai qëndroi në Sao Paulo gjatë gjithë jetës së tij, sapo në fund të karrierës shkoi në Nju Jork për të luajtur për Cosmo.

Qeveria braziliane nuk e lejoi kurrë të luante në Evropë. Nëse do të ishte transferuar te Real Madridi, ndoshta madrilenët nuk do të ndaleshin në 5 Champions League radhazi nga viti 1956 deri në 1961. Pele nuk ‘preku’ tre majat jo sepse nuk ishte i aftë. Rrethanat thjesht nuk e lejuan.