Përfshihet nga flakët banesa në Vlorë, detajet e para

Paraditen e sotme në fshatin Sevastër, Vlorë një banesë është përfshirë nga flakët. Dyshohet se zjarri është shkaktuar nga një shkëndijë elektrike, ku si pasojë janë shkaktuar dëme materiale.

Grupi hetimor po punon për zbardhjen e plotë të rrethanave të ngjarjes.

Ndërkohë, një 66-vjeçar është arrestuar nga policia në Vlorë, pasi duke drejtuar automjetin tip “Benz” në gjendje të dehur është përfshirë në një aksident. Po ashtu, në pranga ka rënë edhe 35-vjeçari banues në Vlorë, pasi duke drejtuar mjetin tip “Suzuki” pa leje drejtimi është përfshirë në një aksident me dëme materiale.