Përgjaken rrugët e Greqisë/ Humb jetën 30-vjeçarja shqiptare, detajet tronditëse

Një shqiptare ka humbur jetën si pasojë e një aksidenti në Selanik. Bëhet me dije se 30-vjeçarja shqiptare humbi jetën ndërsa tre vajza të tjera janë lënduar. Siç raportohet në spital janë transferuar një 27-vjeçare në gjendje të rëndë, e cila po i nënshtrohet një operacioni dhe një 25-vjeçare, jeta e së cilës ndodhet jashtë rrezikut.

Gjithashtu, gruaja e katërt nga automjeti i parë në të cilin ndodheshin shtetaset e RMV-së, është intubuar nga ekipet e shpëtimit të EKAB-it në vendin e aksidentit dhe është dërguar menjëherë në spitalin e Selanikut, pasi gjendja e saj ishte shumë e rëndë. Një 74-vjeçar, drejtuesi i makinës së dytë, është transportuar me plagë të lehta në spitalin e Verijës.

Jozyrtarisht mësohet se gratë e lënduara janë nga Manastiri të cilat po udhëtonin për në Selanik. Aksidenti ka ndodhur pesë kilometra pas daljes së Niselit në drejtim të Selanikut kur dy automjete janë përplasur. Për të nxjerrë vajzat nga automjeti është kërkuar ndihma e zjarrfikësve të cilët prenë dyert për t’i nxjerrë jashtë. Qarkullimi është ndërprerë derisa të plagosurit janë dërguar në spital me autoambulancë dhe automjetet janë zhvendosur në anë të rrugës.