Përgjimet që fundosën mjekët/ Shokon Lala: Me zhvatjen e pacientëve pushime luksoze në Maldive

Të bësh pazar hapur me jetën. Të tilla janë përgjimet që kanë nxjerrë zbuluar mjekë dhe punonjës të spitalit Onkologjik të Tiranës, në QSUT, ku trajtohen të sëmurë me kancer.

Gjykata e Tiranës, me urdhër të Prokurorisë, lëshoi 8 masa, disa ‘arrest shtëpie’ dhe disa ‘detyrim paraqitje’, ndërkohë që personeli i përfshirë në abuzim akuzohet se detyronin pacientet që të trajtoheshin në spitale private.

Gazetarja Klodiana Lala, tregon një moment kur dy personat e përfshirë në këtë skemë, punonjës të këtij spitali, që bëjnë planet e pushimeve, madje flasin hapur dhe për shifrat që sigurojnë nga ryshfetet përmes operacioneve, një prej tyre Emiljano Lela, koordinator i Onkologjikut.

Pjesë nga dosja:

Ku i kap pushimet e tjera tani?

Këtu e një vit të jemi mirë

Shih Tajlandën tani

Po pse jo?

Hë mo se nuk shkon shumë
1500 euro, 5 operacione, i kap brenda javësh ti, hahahahaha, ca llogarie

Kirurg më di ti mua? Ku e ke bërë matematikën ti vëlla? Sa bëjnë 5X5?

HAHAHAHA Llogarita 300 euro operacionin, jo 500

Po lale po

Për i javë bëhesh për Maldive ti atëherë