Pioli: Po lind një Milan i bukur, krenar që jam trajneri i Giroud

Milan e nisi në mënyrën më të mirë të mundshme Serie A me kuqezinjtë që fituan në transfertë ndaj Bolognas me shifrat 0-2. Loja e kuqezinjve ishte argëtuese, sidomos në fraksionin e parë aty ku u shënuan edhe dy golat e ndeshjes me autor Olivier Giroud dhe Christian Pulisic.

“Pashë disa gjëra të bukura në ndeshje, duhet të punojmë pak me ekuilibrin në fushë, por të rinjtë janë integruar shumë mirë. Jam i lumtur me merkaton që kanë bërë drejtuesit dhe kam bindjen se po formohet një grup shumë i bukur.

Të rinjtë po japin maksimumin për t’u integruar dhe për t’u mësuar me futbollin e ri që praktikojnë këtu te Milan. E di që do të na ndihmojnë shumë dhe do të jenë mjaft të rëndësishëm përgjatë sezonit. Pulisic është një “xhol”, por unë e shoh më shumë në të djathtë se sa në të majtë”, është shprehur trajneri italian.