Pirati francez dhe dialogu shterp, si çarçafi pas turpit

“Ideja se marrëveshja për shitjen e avionëve ushtarakë Rafale nga autoritetet franceze dhe presidenti Emmanuel Macron do ta afrojë Serbinë me Bashkimin Evropian është një iluzion” – Keshtu ka vleresuar per Zerin e Amerikes, Florent Marsiak, bashkëpunëtor i Institutit Francez për Marrëdhënie Ndërkombëtare.

Ai gjithashtu u shpreh se është gabim që Franca dhe BE-ja besojnë se Serbia është me të vërtetë e përkushtuar në rrugën evropiane vetëm sepse ajo po i shet municion Ukrainës për luftën me Rusinë (gjë që autoritetet në Beograd nuk e kanë konfirmuar zyrtarisht), dhe në në të njëjtën kohë refuzon të vendosë sanksione ndaj Moskës.

Marsijak gjithashtu vuri në dukje atë që ai e quajti “kontradiktë” në atë që Franca dhe BE flasin për demokracinë dhe stabilitetin në rajon, ndërsa në të njëjtën kohë refuzojnë të njohin problemet e brendshme me të cilat përballet shoqëria serbe, protestat për zgjedhjet, projektin e minierës së litiumit, si dhe tensione në veri të Kosovës.

Sipas tij, qëllimi i vizitës se Macron ne Serbi ishte promovimi mbi të gjitha i interesave ekonomike të Francës.

“Ka një mospërputhje të qartë dhe zhgënjim të madh kur bëhet fjalë për mënyrën se si Presidenti Macron po merret me Serbinë. Angazhimi i Francës dhe presidentit francez është pothuajse ekskluzivisht në nivel ndërqeveritar me Presidentin Vuçiç. Dhe kjo për çështjet ekonomike. Kur bëhet fjalë për demokracinë dhe stabilitetin në rajon si edhe marrëdhëniet me Kosovën, Franca nuk është as e gatshme të dëgjojë apo të mbështesë aktorët përparimtarë në Serbi, të cilët po protestojnë në rrugë duke u përpjekur të sjellin ndryshime. Franca flet vetëm me Vuçiqin. Është zhgënjyese, sepse duhet demokracia dhe ajo që po bën Franca është promovimi i Serbisë së Vuçiqit. Është e njëjta gjë me Hungarinë dhe Orbanin, megjithëse Macron e kundërshton atë. Por në realitet, mos kritikimi i regjimit të Vuçiqit vetëm sa jep legjitimitet” – deklaroi Marsijak

“Beogradi po përdor veriun e Kosovës për destabilizimin dhe për të frikësuar Perëndimin duke e shantazhuar. Beogradi është i kënaqur me status quo-në në Kosovë, sepse nuk dëshiron njohje. Franca dhe Gjermania, në vend që të merren me rrënjën e problemit, që është regjimi në Beograd, zgjodhën të bëjnë presion në pjesën më të dobët, që është Prishtina, e cila është ende nën sanksione, ndërsa Serbia jo” – keshtu ka deklaruar Florent Marsiak, bashkëpunëtor i Institutit Francez për Marrëdhënie Ndërkombëtare.

Por sipas tij edhe Prishtina nuk po sillet në mënyrë perfekte, por gjithashtu po mungon ekuilibri mes mënyrës se si trajtohen palët në këtë dialog.

“Por problemi është se deri tani ka patur vetem negociata teknike, jo se cili do jete qëllimi përfundimtar i dialogut. Dhe për sa kohë që ne nuk flasim për kete qëllim, qe eshte njohje de facto e Kosoves, ne do deshtojme. Franca ka deklaruar se eshte e zhgënjyer nga vonesat në zbatimin e marrëveshjes, Dialogu është bllokuar plotësisht. Nuk ka asnjë mënyrë të lehtë për ta rifilluar atë, nëse nuk e vendosim sërish kauzën politike në vend të parë ne bisedime dhe vazhdojme te kemi një sërë marrëveshjesh teknike mbi tavolinen e dialogut, që nuk do na cojne askund. Kjo nuk është në favor të stabilitetit rajonal” – deklaroi Marsiak