Plagosja e shqiptarit në Greqi zbulon bandën

GREQI– Shqiptari Esmin Ferhati, i cili plagosi ditën e djeshme me kaçavidë oficeren e policisë, jetonte prej katër vitesh në konvikt. Tre katet e konviktit të vjetër të kampusit ishin kthyer në një seli të banditëve shqiptarë, raporton Protothema. Ato jepnin 100 euro në muaj për çdo dhomë mirëpo nuk paguanin energji dhe ujë.

Banda e shqiptarëve qarkullonte me Mercedes dhe shijonte jetën e luksit me paratë e përfituara nga grabitjet, pazaret e drogës, vjedhjet dhe madje edhe nga rrëmbimet. 30-vjeçari shqiptar, njihej si “Esko ”. Ai akuzohet për rrëmbimin e një fëmije të mitur, djalin e një gazetari madje e fshehu në rezidencat studentore.

Ndaj “Eskos” janë ngritur pesë çështjet penale. Ai jetonte në Greqi me partneren e tij, me fëmijën e tyre të porsalindur dhe vëllain “Erko”.

Brenda banesave vepronin në dy-tre grupe të ndryshme dhe me azilin e siguruar nga zona dilnin vetëm për të grabitur banka, supermarkete dhe për të shitur drogë. Studentëve që kërkonin të futeshin në dhoma, u thuhej se ishin të zëna, ndërsa drejtuesit deklaronin se ato nuk ishin funksionale dhe se duheshin rinovuar.

Kreu i madh i bandës së Universitetit Politeknik konsiderohet të jetë 30-vjeçari “Esko”.

Një nga gabimet e bëra nga banda e Kampusit, është se ata ngarkonin video të shfrytëzimeve të tyre në Tik-Tok. Material me armë, pistoleta, makina të shtrenjta, ora dhe shumë para, që provokuan ndjekësit e tyre t’i “fusin në dorë” pasi i shihnin të jetonin pa punuar asnjëri prej tyre. Grabitjet, sidomos në orët e para të mëngjesit, por edhe trafiku i drogës, kanë qenë burimet e “parave të zeza” të bandës, ndërsa në dosjen voluminoze të çështjes, e cila u krijua nga Nëndrejtoria e Sigurimit të Athinës, përfshihen ngjarje që përshkruajnë në mënyrën më të gjallë veprimin e bandës.

…

GREQI  – 22 është numri i të arrestuarve nga policia greke, pas aksionit për shkatërrimin e një bande shqiptare që merrej me trafik droge dhe vjedhje e grabitje banesash. Mes të arrestuarve është një vajzë që punonte në polici. Po ashtu mediat greke raportojnë se banda drejtohej nga shqiptari 30-vjeçar Esmin Ferhati që po ashtu ra në pranga.

Sipas mediave greke, policja kishte marrëdhënie pune në tregtinë e drogës me shqiptarin që mbeti i plagosur pasi tentoi të arratisej nga policia. Policja kishte dekonspiruar një nga operacionet e mëparshme pasi kishte informuar bandën për lëvizjet e policisë.

Ndërkohë mediat greke kanë publikuar edhe disa video të këtij grupi ku dëgjohen duke folur shqip dhe duke përshëndetur miqtë e tyre në Vlorë. Një nga gabimet e bëra nga banditët mashtrues të Kampusit, është se ata ngarkonin video të shfrytëzimeve të tyre në Tik-Tok. Material me armë, pistoleta, makina të shtrenjta, ora dhe shumë para, që provokuan ndjekësit e tyre t’i “fusin në dorë” pasi i shihnin të jetonin bujarisht pa punuar asnjëri prej tyre. Grabitjet, sidomos në orët e para të mëngjesit , por edhe trafiku i drogës, kanë qenë burimet e “parave të zeza”.të bandës, ndërsa në dosjen voluminoze të çështjes, e cila u krijua nga Nëndrejtoria e Sigurimit të Athinës, përfshihen ngjarje që përshkruajnë në mënyrën më të gjallë veprimin e bandës. Tipike, ajo e ndodhur rreth një muaj më parë, kur shqiptarët porositën dërgesën dhe në momentin që dërguesi po largohej, i thanë të vononte sepse do të vidhnin dyqanin.

Ditën e djeshme, shqiptari dhe një police 35-vjeçare u plagosën gjatë bastisjes së një kampusi të përshtatur për trafik droge në Zografou të Universitetit Kombëtar Teknik të Athinës. I riu shqiptar, ka qenë i shpallur në kërkim më parë për trafik droge, armëmbajtje pa leje si dhe grabitje.

Foto e oficeres së policisë në provë duke mbajtur një armë në duar

Gjatë operacionit të policisë, oficerja nuk u ndje mirë dhe vendosi të largohej me makinën e saj private dhe më pas u sulmua me kaçavidë nga 30-vjeçari shqiptar.

Për të mbrojtur veten e saj punonjësja e policisë qëlloi me armën e shërbimit në këmbë 30-vjeçarin.