Plani ogurzi i Aleksandër Vuçiç/ Thika pas shpine dhe dëshmia false

Kryetarja e Komitetit të Helsinkit për të Drejtat e Njeriut në Serbi, Sonia Biserko, duke folur për Listën Serbe në veri të Kosovës, tha se ajo nuk përfaqëson interesat e serbëve në Kosovë, por është instrument i Serbisë për të destabilizuar Kosovën. Aktivistja veterane ka deklaruar gjithashtu se  kryeministri Albin Kurti portretizohet në mediat serbe si radikal kalibri

“Fatkeqësisht serbët lokalë i vuajnë gjithë pasojat, sepse ata janë instrumenti i Beogradit që nga 2012, kur është themeluar “Lista Serbe.” Që nga ajo kohë ka qenë e qartë se ka patur për qëllim destabilizimin e Kosoves.

Kryetarja e Komitetit të Helsinkut vlerësoi se veriu i Kosovës është një çerdhe e krimit dhe iu sugjeroi serbëve lokalë në Kosovë që të dalin në zgjedhjet e ardhshme në katër komunat në veri, kurdo që ato të mbahen.

“A e dini si, fillimisht bashkësia ndërkombëtare i garantoi Qeverisë së Kosovës se serbët lokalë do të dalin në këto zgjedhje, por ata nuk dolën, ndërkohë ndihej nevoja që të mbushej disi ai boshllëk ligjor, i cili edhe është karakteristikë e veriut të Kosovës, sepse në veri nuk mbizotëron sistemi i drejtësisë, as i Kosovës e as ai i Serbisë, por veriu është vetëm një çerdhe e krimit.” – deklaroi Sonia Biserko