Plas sherri në Top Channel – VIDEO

Një episod që tregon ku ka degraduar televizioni në Shqipëri, u transmetua dje në Top Channel, në një shfaqje pocaqi me emrin “Përputhen”, ku merren vajza e djem nga rruga, shumica me zero intelekt, dhe na i shfaqin si model për rininë shqiptare.

Dy vajza u përleshën me njëra-tjetrën fillimisht me fjalë e më pas edhe fizikisht. Reagimet qenë të shumta për modelin që këto vajza shfaqin, shumë prej të cilëve e dënuan këtë sjellje. Aulona Musta është njëra prej tyre që reagoi, duke shkruar se kjo është fytyra e injorancës dhe vulgaritetit.

Si nuk dëgjova një herë të komunikojnë këto femra me argument, me qetësi, me respekt, por vetëm ofendime, të shara me ulërima, me fjalorin dhe gjuhën më vulgare.

Kjo është fytyra e injorancës dhe e vulgaritetit. Ky nuk është një episode në nerva e sipër, është një sjellje e vazhdueshme. Femra të paedukuara. Turp”, shkruan Musta.

AMA ndërkohë, autoriteti që monitoron mediat, rri dhe shijon këtë shfaqje të shëmtuar, e cila jepet nga e hënë në të premte, në orarin më të papërshtatshëm.