Gjermania ka qenë skuadra e parë e kualifikuar si vendi pritës, e me radhë sipas kohës kur janë kualifikuar dhe kanë siguruar biletën edhe Belgjika, Franca, Portugalia, Skocia, Spanja, Turqia, Austria, Anglia, Hungaria, Sllovakia, Shqipëria, Danimarka, Holanda, Rumania, Zvicra, Serbia, Italia, Çekia, Sllovenia dhe Kroacia. Tre skuadrat e tjera që duhen për të plotësuar numrin 24, aq sa do jenë ekipet pjesëmarrëse në “Gjermani 2024” do vendosen nga faza play-off e Ligës së Kombeve. Do jetë 2 dhjetori në Hamburg, aty ku do hidhet shorti për gjashtë grupet me nga katër skuadrat që do përballen nga 14 qershori – 14 korrik në “Gjermani 2024”.

Ndarja e vazove

Holanda e mbyll me fitore, Franca ngec në barazim me Greqinë

Me fatin e Grupit B të zgjidhur, Holanda mposhti pa shumë vështirësi modestët e Gjibraltarit me shifrat 0- 6. Tulipanët shënuan tre gola në pjesën e parë teksa ishte Stengs që hapi llogaritë e takimit në minutën e 10. 13 minuta më pas ishte Wieffer që dyfishoi ndërsa Koopmeiners realizoi në minutën e 38-të

Në fraksionin e dytë, Stengs shënoi dy gola të tjerë për të kompletuar tregolëshin final, ndërsa Gakpo shënoi në minutën e 81 për të vulosur rezultatin 0-5. Pas kësaj fitoreje, Holanda mbetet e dyta në grup me 18 pikë, katër më pak se Franca. Në transfertë ndaj Greqisë, “Gjelat” nuk shkuan më shumë se një barazim 2-2. Ishte një sfidë me emocione dhe që dhuroi gola të bukur nga të dyja kampet. Ky barazim nuk i prish punë Francës për të ruajtur kreun e grupit teksa e mbyllin këtë edicion eliminatoresh në kuotën e 22 pikëve.

Në ndeshjet e tjera, Rumania mposhti Zvicrën me shifrat 1-0. Një gol i Alibec në pjesën e dytë u mjaftua rumunëve për të fituar ndeshjen dhe për të marrë kreun e Grupit I me 22 pikë duke lënë në vendin e dytë pikërisht Zvicrën me 17 pikë.

Në ndeshjet e tjera, Kroacia mposhti Armeninë me rezultatin 1-0, një fitore kjo që dërgon ballkanasit në vazon e tretë në shortin e Europianit më datë dy dhjetor, ndërsa zbret në vazon e katërt Italia. Sakaq, Izraeli mposhti me rezultatin 0-2 Andorrën ndërsa Uellsi dhe Turqia u ndanë në barazim 1-1.