Po përgatisin pavarësinë e Veriut/ Eksperti: Vuçiçin e kanë zënë ethet e Kremlinit…

Eksperti i kriminalistikës, Ervin Karamuço, ka paralajmëruar se Vuçiç është duke përgatitur pavarësinë e komunave serbe në Kosovë.

Sipas ti, nëse presidenti serb do të zgjedhë të vërë në zbatim planin apo të tërhiqet pas lëkundjes së pozitave të Vladimir Putinit, kjo mbetet për t’u parë të mërkurën, ditë në të cilën Serbia feston festën e Vidovanit.

“A ishte vërtetë një frikë e Vuçiçit, ngaqë Putini u tregua i pasigurt pasi në një moment u rrezikua nga kjo që ndodhi me Wagnerin apo jo” 0 u shpreh Karamuço

Të mërkurën është festa e Vidovanit, festa kombëtare e Serbisë, e Car Llazarit. Në këtë ditë mendohet dhe ka informacione që serbët mund të shpallin pavarësinë në 10 komunat në very të Kosovës, mund të shpallin një lloj autonomie siç bëri dikur Donbasi i Ukrainës.

“Nëse bëhet kjo, atëherë Vuçiçi nuk ka ndërruar rrugë. Por nëse s’bëhet kjo, atëherë Vuçiçin e kanë zënë ethet e Kremlinit” – deklaroi eksperti i kriminalistikes