Pogradec/ 74-vjeçarja përplaset nga makina

Një aksident ka ndodhur mangjesin e sotëm në Pogradec. Mësohet se një makinë ka përplasur një 74-vjeçare dhe më pas është larguar nga vendngjarja. E moshuara aktualisht ndodhet në spitalin e Pogradecit, ndërkohë që drejtuesi i makinës është shpallur në kërkim.

Njoftimi policisë:

Pogradec/Informacion paraprak Më datë 04.09.2022, rreth orës 10:25, në Spitalin e Pogradecit, ka mbërritur shtetasja V. P., rreth 74 vjeçe, e cila dyshohet të jetë aksidentuar në rrugë nga një automjet në qytetin e Pogradecit, i cili më pas është larguar nga vendngjarja. Kjo shtetase aktualisht ndodhet nën kujdesin e mjekëve. Grupi hetimor po punon për identifikimin dhe kapjen e drejtuesit të mjetit si dhe për zbardhjen e shkaqeve të aksidentit.