Policia u fut dy orë me vonesë në zonë, pasi erdhi RENEA/ Detaje të reja nga masakra e Dobraçit

Sipas tij policia është futur në zonë vetëm pasi ka mbërritur RENEA. Po ashtu ai tha se edhe ambulanca ka shkuar mbi 30 minuta me vonesë. Kasapi hedh dyshime edhe për vdekjen e burrë e grua që ndodheshin rastësisht në zonë, nëse këta të fundit janë përplasur nga mjeti i viktimave apo pas fshihet një tjetër skenar.

“Si ka mundësi që policia e Shkodrës është futur dy orë me vonesë në Dobraç, atëherë kur u futën forcat RENEA, ambulanca ka mbërritur 40 minuta me vonesë, ku jeta e 23 vjeçarit mund të shpëtohej, si nuk u gjet një automjet që u dogj vetëm 5 minuta larg Shkodrës, mjeti i autorëve?”, tha ai.

Më tej shtoi: Sa e vërtetë është që makina e viktimave i  ka rënë nga pas motorit të dy viktimave të tjera, burrë e grua? Apo mos ka ndonjë skenar tjetër? Policia së pari nuk ka dhënë asnjë gjë lidhur me armët e gjetura, asnjë detaj, tepër e mjegull për informacionet e tjera. Pse policia nuk mori parasysh kallëzimin e Bushatit, ku me video doli se ju bë një atentat, por nuk përfundoi sepse nuk shkrepi arma?