Porositi vrasjen e ortakut të tij, Gjykata e Durrësit jep dënimin për Italianin

Gjykata e Durrësit ka vendosur 6 vite burg për italianin Ferdinando Muollo për pastrim parash. Muollo u dënua në mungesë pasi ndodhet në arrati. Dënimin prej 6 vitesh burg të dhënë nga gjykata e Durrësit, Ferdinando Muollo do e vuajë në Itali, atje ku është dënuar për rolin si porositës dhe financues në vrasjen e ortakut të tij, Salvatore Ridosso.

Muollo u dënua nga gjyqtari Paulin Ccera me 6 vjet heqje lirie në mungesë dhe konfiskim të pasurisë në Durrës. Muollo rezulton të jetë i dënuar në vitet 1984, 1991 (dy herë), 1998, 2009, 2011, 2012, 2013 dhe 2014.