Profesori nga Serbia e pranon gjenocidin serb

Ivan Videnoviç, nënkryetar i lëvizjes “Glas” dhe profesor universitar nga Beogradi, ka publikuar një video në rrjetet sociale në të cilën mbështet tezat se në Serbi bien ende në “tema tabu”.  “Në këto zgjedhje ne garojmë për një politikë tjetër, një politikë qëndrimesh të qarta për çështjet urgjente të vendit dhe shoqërisë sonë. Ajo reflektohet në një “po” të qartë dhe të pakushtëzuar në lidhje me anëtarësimin e menjëhershëm të Serbisë në NATO dhe përmbushjen e përshpejtuar të kritereve për anëtarësimin e vendit në BE, duke përfshirë sanksionet kundër Rusisë dhe ndihmën ushtarako-politike për Ukrainën” – theksoi Videnoviç.  Veç kësaj, ai ka thene se janë pë “normalizimin me Kosovën dhe marrëdhënie më të ngushta miqësore me të, njohjen e gjenocidit në Srebrenicë dhe ndërtimin e një kulture të kujtimit dhe përballjes me krimet e luftës, si dhe deklerikalizimin vendimtar të shtetit dhe sektorin publik”.  “Ne jemi për anëtarësimin e menjëhershëm të Serbisë në NATO, “po” për sanksionet kundër Rusisë dhe ndihmën ushtarake dhe politike për Ukrainën, “po” për normalizimin e plotë të marrëdhënieve ndërmjet Serbisë dhe Kosovës dhe për anëtarësimin e Kosovës në OKB. Dhe po, sigurisht, në Srebrenicë është bërë gjenocidi dhe NATO-ja e ka penguar në Kosovë” – ka deklaruar Videnoviç.