Profeti i makthit/ Agresori mafioz serb po shtiret si viktimë

Profesor doktor Enver Bytyçi shpalosi planet djallëzore të presidentit serb dhe duke komentuar deklaraten e tij te fundit se fillimishte duhet të formohet Asociacioni e pastaj të diskutohet per dialog, tha se Vucic po mundohet të shkatërroj shtetësinë e Kosovës dhe se kjo e fundit nuk duhet të bjerë në këtë kurth, pra të mos pranoj krijimin e Asociacionit.

“Duke bërë viktimën, ndonëse është agresor i një lloji mafioz, Aleksandër Vuçiq synon të arrijë objektivin kryesor të tij, shkatërrimin e shtetësisë së Kosovës, por edhe ta transferojë përgjegjësinë e dialogut te pala e Kosovës e të hiqet si “paqësor”! Kjo maskë i nevojitet atij sidomos sot kur ndodhet në përballje me protestat masive e të fuqishme të studentëve, rinisë dhe qytetarëve serbë, të cilët tashmë kanë hequr dorë prej mbështetjes që i kanë dhënë atij. Por Kosova nuk duhet të bjerë në këtë kurth. Situata e krijuar kërkon krijimin sa më parë të qeverisë së re. Mundësisht me një koalicion sa më të madh, që prodhon gjithashtu konsensus më të madh. Më pas duhet të bashkohen me përgjegjësinë për interesat kombëtare të Kosovës të gjithë aktorët politikë, akademikë, shkencorë etj. Të formulojnë qëndrime politike e diplomatike me objektiva të qarta dhe me skema të qëndrueshme për të lënë përgjegjësinë te ai që është përgjegjës për dështimet e derisotme, pra te Beogradi”, shpjegoi profesori duke theksuarqë të mos pranohet Asociacioni para se Serbia ta njoh shtetin e Kosovës.

“Asocacioni nuk duhet dhe nuk mund të ngrihet para se sa Serbia ta njohë shtetin e Kosovës dhe integritetin e tij territorial de facto dhe de jure. Ndërkohë vërejtja e presidentes Vjosa Osmani që paraqiti në takimin me përfaqësuesin europian, ambasadorin Sorensen, persa i përket draft statutit të asosacionit të rekomanduar nga Brukseli duhet të bëhet refren i të gjithë bashkëbiseduesve midis palëve, me Bashkimin Europian dhe me çdo politikan e diplomat të rëndësishëm e me ndikim” – deklaroi Enver Bytyçi