‘Pse më zure vendin e parkimit’ arrestohet pasi kërcënoi me sëpatë një person

Përshkallëzimi i një konflikti është parandaluar nga policia e Beratit. Armando Fetahu është arrestuar pasi ka kanosur me sëpatë pas një konflikti të çastit shtetasin A.P, 39-vjeç. Konflikti bëjnë me dije burime për Report Tv, ka ndodhur për parkimin. Mësohet se 36-vjeçari Fetahu, i ka thënë 39-vjeçarit ‘Pse më zure vendin e parkimit, këtu banoj unë dhe më takon mua vendi’. 36-vjeçari u kap në flagrancë, në një rrugë të lagjes “Çlirimi”, teksa kanoste me mjet prerës (sëpatë), A. P., 39 vjeç. Si provë materiale, Policia ka sekuestruar mjetin prerës (sëpatë), me të cilin u krye kanosja.’- njofton policia. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme