Pse sa herë që situata është e vështirë, Vuçiç lajmëron për atentat dhe grusht shteti

“Kur dukshmëria nuk është pengesë për të lexuar kuptimin krejtësisht të kundërt me atë që u tha, kur edhe verifikueshmëria e lehtë e së vërtetës nuk është pengesë për të gënjyer verbërisht, a ka ndonjë mbrojtje kundër çmendurisë së presidentit Vuçiç, në të cilën jemi hedhur të gjithë së bashku” – keshtu ka pyetur ne nje shkrim autorial gazetarja e njohur Vesna Malishiç

Sipas saj, fakti që Vuçiç është bërë i mërzitshëm, jo shpikës, gjithmonë me të njëjtin argumentim dhe performance, nuk e pengon qeverinë serbe të prodhojë kërcënime ndaj presidentit sa herë që ai e ka të vështirë situatën dhe të vulosë tentativat për ta vrarë atë, pothuajse sipas të njëjtës matricë.

“Karikatura e lajmeve të fundit mbi planin per vrasjen e presidentit serb Aleksander Vuçic, I planifikuar të bëhet gjatë muajit shkurt” ose “presidenti të mos udhëtojë askund se do të helmohet” apo dhe lajmi legjendar që lajmëron grusht shteti, tregon se sa i nënvlerëson realisht qytetarët e saj kjo qeveri” – ka theksuar Malishiç

Sipas saj, ka një rregullsi në këtë prodhim të ethshëm të kërcënimeve për jetën e presidentit serb.

“Lajmet për komplotistët dhe vrasësit lëshohen gjithmonë kur qeveria ka frikë nga pakënaqësitë në rritje e qytetarëve, pra kur është në frikë se dikush mund ta rrëzojë atë. Duket se për presidentin humbja e pushtetit është e njëjta vlerë me humbjen e jetëve. Por pavarësisht nëse është një frikë obsesive e humbjes së pushtetit apo thjesht një teknologji vulgare e qeverisjes, metodat për të falsifikuar të vërtetën nuk janë aspak të sofistikuara, por brutalisht të vrazhda” – ka shkruar gazetarja e njohur.

“Qeveria e Millosh Vucevic po perdor postimet në Twitter dhe rrjetet sociale si municion për te goditur dhe shkaktuar frike. Deri ku është kufiri që mbron të drejtën për të menduar dhe kritikuar nga raprezaljet brutale politike dhe mediatike, ndaj të cilave jemi të ekspozuar nën këtë lloj qeverisjeje” – ka potencuar Vesna Malishiç