Pse Sylvinho po iu bën karshillëk tifozëve kuqezi

Nëse ndeshja me Italinë mund të konsiderohej edhe pak mungesë fati dhe eksperience, Kroacia tregoi limitet e vërteta të Shqipërisë.

Trajneri Sylvinho ka gabuar në mënyrë flagrante sepse me “operacionin fshesa” nuk tregoi asnjëherë që qëllim kishte pastrimin e Kombëtares nga reliket dhe të paprekshmit. Në Hamburg doli kundër një populli dhe logjikës së thjeshtë për të lënë në stol më të dobëtin e ndeshjes paraardhëse. A thua ta ketë bindur Fevziu apo forcat e mbinatyrshme?

Çfarë e bën të pazëvendësueshëm një gabues serial? Kush po shtyn që Hysaj të abonojë me stolin Balliun? Pse ky karshillëk ndaj tifozëve që edhe pse me çmimin e biletave 10-fish të ndjekin deri në brigjet e veriut të Europës?

Nuk është e nevojshme të kesh licencën e trajneri për të vlerësuar situata të tilla dhe askush nuk pretendon të jetë timonier i Kombëtares, por sjelljet e fundit të Sylvinho-s ndoshta po tregojnë që edhe braziliani pasi mori pasaportën në Lushnje, ka filluar të mendojë e sillet pak si shqiptar./Sfidanti Sportiv