Putin: Prigozhin e refuzoi ofertën time

Presidenti rus, Vladimir Putin, ka zbuluar në një intervistë se ai bëri një propozim gjatë një takimi me liderin e grupit Wagner, Yevgeny Prigozhin dhe një grup luftëtarësh që u përgjigjen urdhrave të tij, por propozimi i tij u refuzua nga Prigozhin.

Presidenti rus dyshohet se u ka ofruar njerëzve të Wagner-it të vazhdojnë të luftojnë nën urdhrat e komandantit të tyre aktual, të identifikuar si Andreij “Sedoy” Trochev.

“Ata do të kishin vazhduar të shërbenin së bashku. Asgjë nuk do të kishte ndryshuar. Ata do të udhëhiqeshin nga i njëjti person që kishte qenë komandant i tyre gjatë gjithë asaj kohe. Shumë prej tyre tundën kokën kur i thashë këto gjëra”, shkruan Kommersant duke cituar Putinin.

Por Prigozhin nuk pranoi propozimin e Putin, i cili tha se ushtarët e tij nuk kishin rënë dakord me këtë vendim.

“Jo, djemtë nuk do të pajtohen me një vendim të tillë”, tha ai.