Putin sulmon ministrin: Pse bën budallallëqe

Presidenti rus Vladimir Putin ka treguar zemërimin e tij ndaj ekonomisë në kolaps të Rusisë dhe dështimit të përpjekjeve të luftës, teksa poshtëroi publikisht zëvendëskryeministrin e tij gjatë një konference.

Lideri rus sulmoi Denis Manturov në një video-konferencë të qeverisë për dështimin në blerjen e avionëve ushtarakë dhe civilë.

Ai e akuzoi atë se ka bërë “budallallëqe” pasi politikani, zëvendëskryeministër dhe ministër i Tregtisë dhe Industrisë, fluturoi me pushime në Turqi gjatë Vitit të Ri.

Udhëheqësi i Kremlinit gjithashtu njoftoi ndryshime në komandën e tij të lartë edhe një herë, duke promovuar një numër gjeneralësh besnikë.

Ai i tha ministrit se kishte një muaj kohë për të zgjidhur rrëmujën, gjë që çoi në një mungesë të avionëve ushtarakë për forcat ajrore dhe një dështim për të furnizuar avionë të rinj për kompanitë civile që janë goditur nga sanksionet perëndimore.