Qetësia nuk do kthehet/ Konjufca flet për ngjarjet në Veri

“Nëse bashkësia ndërkombëtare mendon që vetëm Kosova i ka fajet dhe përgjegjësitë për situatën në veri të vendit, atherë qetësia nuk do kthehet kurrë” – Kështu deklaroi kryeparlamentari Glauk Konjufca

Sipas tij, Veriu është i ndarë që nga viti 1999 dhe zgjidhja e vetme është bashkimi i vendit. Gjithashtu, ai tha se Kosova duhet ta bindë bashkësinë ndërkombëtare për karakterin unitar të vendit dhe këtë e cilësoi si betejën më të madhe të Kosovës.

“Republikë e bashkuar. Kjo betejë është për Republikën e bashkuar. Ose një tjetër opsion i paimagjinueshëm por shumë i keq. Kosova prej vitit 1999 ka funksionuar e ndarë. Fytyrën e vërtetë të Listës Serbe në veri e kemi pare në vitin 2008 dhe 2011, kur u tentua që atje të zbatohej ligji dhe kushtetutshmëria. Sot organizata kriminale serbe në Kosovë, shkojnë në beograd, marrin udhëzime dhe kthehen për të sulmuar policinë e Kosovës dhe forcat e KFOR-it. Ne nuk kemi zgjidhje tjetër…- deklaroi kryeparlamentari Konjufca