Qytetarët përballen me probleme, presin në radhë për të votuar

Fluks i madh qytetarësh në Luz të Vogël, njësia administrative e bashkisë Kavajë. Qytetarët po presin në radhë për të votuar dhe siç shihet edhe në foto pjesëmarrja është e madhe, kjo për shkak edhe të problemeve teknike të hasura në mëngjes në qendrat e votimit dhe problemet me gjetjen e emrin në lista.

Më herët kreu i Komisionit Qendror të Zgjedhjeve, firmosi urdhërin për vijimin e procesit me identifikim manual, për shkak të problemeve me pajisjet PEI të identifikimit elektronik.

Sot shqiptarët do votojnë për 61 kryetarët e rinj të bashkive dhe për Këshillat Bashkiakë. 3 milionë e 650 mijë e 550 qytetarë me të drejtë vote, 122 mijë e 545 të rinj votojnë për herë të parë. Në 61 bashki të vendit janë të hapura 5 213 qendra votimi nga ora 07:00-19:00. Për herë të parë në Kamëz, Vorë dhe Elbasan do të ketë votim dhe numërim elektronik. Rezultati pritet të dalë pak minuta pas orës 19:00 dhe do të mësohen drejtuesit e rinj të bashkive.