RAMA E VUÇIÇ PERTEJ GARDHIT/ Bytyçi zbërthen mesazhet e dërguara nga SHBA e Franca

Duke folur per takimin mes presidentit te SHBA, homologut francez dhe presidentes se Kosoves Vjosa Osmani ne Paris, profesori Enver Bytyçi u shpreh se takimi ishte vertete i shkurtër, por me domethënie të madhe, kjo sepse dha një mesazh të qartë se, Donald Trump dëshiron që konfliktin midis Kosovës dhe Serbisë ta zgjidhë me presidenten si partnere.

Gjithashtu, Bytyçi nuk e anashkaloi rëndësinë dhe rolin e qeverisë, teksa tha se situatën ne ate menyre ne Paris mund ta ketë ‘servirur’ Emmanuel Macroni, pasi ai është regjisor i takimeve të tilla.

“Kjo do të thotë se administrata e Trump nuk ka ndërmend të diktojë zgjedhjen politike të Kosovës, as te liderët e saj. Por ndër dy liderët duket se preferon të flasë me presidenten, ndërkohë që roli i qeverisë nuk zbehet, sepse është kushtetues. Ndoshta një gjë të tillë e ka servir me pak dinakëri edhe Emmanuel Macron, si organizator dhe regjisor i takimeve të tilla politike e diplomatike. Macron është i njohur për të tilla simbolika. Ju kujtohet kur para gjashtë vitesh organizoi një event në Paris dhe “si rastësisht” e vendosi Hashim Thaçin afër presidentit rus, Vladimir Putin. Atëherë Putin i duhej zotit Thaçi për të garantuar njohjen e Kosovës pas ndarjes së saj. Tani Macron bëri të njëjtën gjë me Vjosa Osmanin. Nuk e di nëse Macron beson se Vjosa është ndryshe nga Albini, kur është fjala për interesat e Kosovës. Por di se nëse beson ne këtë, do të zhgënjehet”, theksoi Bytyç duke shtuar se “Në këto rrethana presidentja e Kosovës duhet të ndërtojë një projekt informimi për presidentin Trump dhe bashkëpunëtorët e tij. Duhet të informojë mirë e në detaje së paku tre persona kyç: Sekretarin e ri të Shtetit, Drejtorin e Përgjithshëm të CIA-s dhe këshilltarin për Siguri Kombëtare. Këta janë njerëzit që kanë rol në vendimmarrjen e presidentit. Me qëllim që kjo vendimmarrje të jetë solide, e drejtë dhe mos cënojë territorin e Kosovës, ajo ka nevojë fillimisht për informacione në detaje”

Profesor doctor Enver Bytyçi, duke komentuar takimin mes Vjosa Oamanit, Donald Trump dhe Emmanuel Macron ne Paris tha se ajo qe ra ne sy ishte se u lane pas kuintave dy udhëheqësit e preferuar të Macron, Aleksandër Vuçiq dhe Edi Rama, dhe ne këtë pikë, ai parashikoi se gjera pozitive mund të ndodhin me ardhjen e Kaja Kallas në Bruksel dhe administratën Trump në Uashington.

“Përshëndetja Osmani-Trump është preludi i një procesi, të cilin ne nuk e dimë se si do të jetë, si ai i Sirisë, por me mjete paqësore i kufizuar në një javë, apo një proces i gjatë. Mundet të ketë dy angazhime paralele, ky ekzistuesi, me zonjën Kallas në Bruksel, dhe një proces tjetër me administratën Trump në Uashington. Sido të jetë besoj se ajo që ndodhi në Siri, na bën të besojmë se Rusia nuk do të ketë më asnjë ndikim në Ballkan. Nëse i përmbahemi këtij principi, atëherë duhet të besojmë se do të ketë zgjidhje të qëndrueshme me ndikim afatgjatë. Thjesht do të duhet që Brukseli dhe Uashingtoni të pajtohen së bashku se çfarë duan në rajonin tone” – ka shkruar Bytyci ne nje shkrim autorial.

Sic edhe u shpreh ai, ky është një takim premtues se për herë të parë u lanë pas kuintave dy udhëheqësit e preferuar të Macron, presidenti i Serbisë, Aleksandër Vuçiq dhe kryeministri i Shqipërisë, Edi Rama.

“Macron krijoi distancë edhe me Ramën, megjithëse i pranishëm në ceremoninë e hapjes së Notre Dame. Nuk ia dha mundësinë kreut të ekzekutivit shqiptar për t’i dhënë dorën presidentit amerikan, qoftë dhe “nga matanë gardhit”! Ndërsa Vuçiq duket se nuk qe i ftuar! Kjo distancë politike e diplomatike nuk është e rastit. Macron nuk dëshiron që të etiketohet si lideri europian e francez që mbështet krerët e narco-shteteve ballkanike. Ndërkohë që nuk ka guxuar që këtë t’ia lejojë numrit një të shtetit më të fuqishëm të botës”.