Rama, i dëshpëruar që merret me mua/ LaCivita: Unë s’jam kandidat i PD

Chris LaCivita, ka dhënë një intervistë dhe për Syri TV.

Në të, ai tha se 90% e atyre që thonë mediat nuk duhen besuar.

Çim Peka: Në SHBA kundërshtari politik sulmonte Donald Trump, nuk sulmonte LaCivita, në Shqipëri. Në intervistën e parë të kisha paralajmëruar se në Shqipëri ke përballë bandat, në Shqipëri. Në Shqipëri më shumë kryeministri është marrë me ju sesa me Sali Berishën, a e kishit menduar ndonjëherë se do të ishit kaq shumë në qendër të vëmendjes nga Rama?

LaCivita: Jo, nuk e kisha menduar. Në fakt, më vjen për të qeshur se unë nuk jam fare në listën e votimit, nuk jam fare kandidat, nuk jam duke garuar për kryeministër, por Edi Rama është kaq i dëshpëruar për të mbajtur pushtetin e vet sa përpiqet të bëjë gjithçka të mundur që të ndryshojë tematikën dhe të devijojë vëmendjen e publikut nga çështjet që janë më rëndë, pra do të më bëjë mua një çështje.

Mua nuk më shqetëson fare, përkundrazi unë e përgëzoj këtë gjë, dhe fakti është ky: ne, dhe kur them “ne” them unë dhe njerëzit me të cilët punoj në SHBA, të cilët duam të shikojmë doktor Berishën të fitojë këtë fushatë zgjedhore.

Kur Kryeministri më sulmon mua, ai në fakt në plot raste është duke sulmuar shumë prej gjërave për të cilat ne kemi luftuar.

Edhe njëherë, ai do të ndryshojë tematikën, nuk do të flasë për 12 vite të dështimit të tij, për çka ne duhet të flasim dhe doktor Berisha ka folur për këtë gjë.

Ka qenë dështimi gjatë këtyre 12 viteve dhe si vendi ka për t’u përmirësuar në të ardhmen nëse ai zgjidhet.

Pra, sërish çdo gjë varet dhe ndryshon nga territori ku ne ndodhemi, por të jem i sinqertë, ishte një lloj surprize për mua që Edi Rama kalon gjithë atë kohë duke më sulmuar mua.

Megjithatë nuk habitem, ai mendoj se është shumë i paqëndrueshëm